5 urteko errefuxiatu baten heriotzak haserrea eragin du Grezian
Kamioi batek harrapatuta hil da 5 urteko umea Moriako (Lesbos, Grezia) errefuxiatu kanpalekuaren inguruan. Abuztuaren 24an ere beste gazte errefuxiatu bat hil zen liskar baten ostean. Hainbat gobernuz kanpoko erakundek Moriako kanpalekuko egoera salatu eta ixteko eskatu dute.
Asteartean kartoi batzuen azpian lotan ari zela, kamioi bat gainetik pasa zitzaion haur afganiarrari. Hainbat GKEk salatu dutenez, Moriako baldintzak muturrekoak dira. Errefuxiatuek ezin dute baldintza duinetan bizi, eta tentsioak ezegonkortasun handia izatea eragiten du.
Kamioiaren gidaria atxilotu egin dute kasua ikertzen ari diren bitartean. Lekukoen arabera, umearen familiak ere kartoietan egiten du lo, eta Morian ohikoa dela baieztatu dute.
Gainezka daude kanpalekuak
UNICEFek Moriako errefuxiatuek bizi dituzten baldintza penagarriak salatu ditu, eta hainbat datu zabaldu ditu egoerari neurria hartzeko: 8.700 pertsona bizi dira bertan (horietako 3.000 umeak dira), nahiz eta 3.000 pertsonentzako lekua izan.
Lesboseko GKEetako langileen asanbladaren ustetan, heriotza hauek “Europar Batasunaren eta Greziaren erantzukizuna” dira, ez beste inorenak: “Europaren gerraren ideologiak mugatzen ditu Greziaren politika estatalak. Kartzela, biolentzia eta heriotza dituzte irtenbide”.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.