48. Durangoko Azokak ateak zabalik
Igandera bitartean Durangon bilduko dira euren lanak euskaraz publikatzen dituzten argitaletxe, diskoetxe eta enpresak, euskarazko kultur produktuen 48. azokan.
Berrikuntza nagusia: Landako gunetik herri osora zabalduko dela Azoka eta sakondu egingo dela aurreko urteetatik ematen ari zen gunekako aldaketan.
Funtsean, Azoka Kulturaren Plaza bihurtu nahi dute edizio honetan. Hori lortzeko zeresan handia izango du Ahotsenea guneak. Aurten Landakoren atzean ezarriko dute sortzaileei eskainitako espazioa. Ez da lekuz aldatuko den bakarra izango: ikus-entzunezkoei eskainitako Irudieneak Zugaza zinemetan hartuko du ostatu Azokako egunetan.
Gainontzeko guneek leku berdinetan jarraituko dute eta denek egitarau zabala prestatu dute. Ondorengo loturetan ikus dezakezu egunotan zer aurki daitekeen Durangoko Azokan.
- Ahotsenea, sortzaileen guneko egitaraua.
- Plateruena kafe antzokian egunotako ikuskizunak.
- Saguganbara, haur eta gazteentzat prestatutako guneko egitaraua.
- Irudienea, ikus-entzunezkoen txokorako prestatu duten programa.
- Szenatokia, arte eszenikoen aretoak hilaren 7rako prestatu duen egitaraua.
- Kabi@ teknologia berrien eta eduki libreen guneko programazioa.
Nevadako kutsua
Bihar jasoko du William A. Douglass antropologo estatubatuarrak Durangoko Azokako Argizaiola saria. 20:30etan izango da sari-emate ekitaldia San Agustin Kultur Gunean.
Mr. Basque ezizena jaso izan du Douglassek Euskal Herriarekin izan duen harremanarengatik. Antropologoa eta Nevadako Unibertsitateko Euskal Gaien Zentroko irakasle emeritua, 1963az geroztik Euskal Herrian hainbat landa lan egin ditu, batez ere Etxalarren (Nafarroa) eta Aulestian (Bizkaia). Amerikan eta Australian ere ikertu du euskaldunen presentzia.
Gainera, Euskal Herriko gatazka armatua konpontzeko saioetan bitartekari lanetan aritutakoa da, 2009. urtean argitaratu genuen Larrun aldizkarian kontatu zuen moduan.
Ez da Nevadarekin lotuta zeresana emango duen kontu bakarra. Seguruenik aurtengo Durangoko Azokan irakurleek gehien espero zuten liburua atzo aurkeztu zen eta AEBetako lurralde hura dauka tituluan. Bernardo Atxagaren Nevadako egunak ozta-ozta iritsiko da aurtengo azokara. Renon egindako hamar hilabeteetan hartutako oharrak baliatuz “kronikatik nobelara” doan liburua idatzi du asteasuarrak.
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Milaka eta milaka euskaltzale eta euskal kulturaren zale elkartu dira Durangon asteburu luzean, ondo asko egonkortua den urteroko hitzorduan. Sartzeko itxaronaldiak, ordubeterainokoak, euripean... Kultur-gosez egon da jendea. Eta asebeteko ziren, halaxe sumatu baita postuen... [+]
Salto batez jaiki da ohetik, pelikula txutxi-flower batean balego bezalaxe. Gelatik irten, sukaldera joan, amari muxu potolo bat eman eta dutxan sartu da, Deus ex machina kantua hartuta soinu-banda modura. Aurora borealak entzuten ditu letran, baina, egiazki, letraren fabulari... [+]
Oraindik ere ondo gogoan du amak nola esan zion atzo: “Iraitz, segiozu ohera, badela garaia. Eta utzi mugikorra, itsutu egingo zara-eta!”.
Nola ez, amak arrazoi. Gaurko betzuloek ez dute barkatzen. Ez du begirik bildu gauean. Ohean buelta eta buelta, maiz... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]