Bultza kazetaritza independentea
Horietatik 131 adin txikikoak ziren. Guatemalakoak, Honduraskoak, El Salvadorrekoak eta Ecuadorrekoak dira aurkitu dituzten pertsonak, eta AEBetara iritsi nahi zuten. Ez da azkenaldian horrelako zerbait gertatzen den lehen aldia.
343 pertsona aurkitu dituzte Mexikon abandonatutako kamioi batean igande gauean, Mexikoko Migrazio Institutuak (INM) jakinarazi duenez. AEBetara migratu nahi zuten. Horietatik 103 ziren bakarrik zihoazen adingabeak, eta beste 28 adingabe ere bazeuden, senideren batekin zeudenak. Guatemalakoak dira gehienak, eta gainontzekoak Honduraskoak, El Salvadorrekoak eta Ecuadorrekoak.
Veracruz estatuan aurkitu dute abandonatutako kamioia, gidaririk gabe. Metalezko egitura batzuekin egindako bi maila zituen barruan, eta hor pilatuta zeuden migratzaileak. Koloretako besokoak zituzten jarrita, identifikatzeko.
Adingabeak eta familiak Mexikoko Familiaren Garapen Integralerako Sistemaren esku utzi dituzte. Helduek, berriz, prozedura administratiboak martxan jarri behar izan dituzte euren Mexikoko egoera juridikoa zehazteko.
Ez da salbuespena
Igandekoa ez da salbuespena izan. INMk jakinarazi duenez, aurreko astean 79 migratzaile aurkitu zituzten Tijuana hiriburuan, hotel bateko geletan pilatuta. Urte hasieran ere kamioi batean beste 269 pertsona aurkitu zituzten, Chiapas estatuan.
Mexiko inoizko migrazio-fluxu handiena izaten ari da. 2022an agiririk gabe zihoazen 2,76 milioi pertsona geratu zituzten AEBekiko mugan. AEBek adierazi zuten hilean 30.000 migratzaile jasoko zituztela, Nikaragua, Kuba, Venezuela edo Haititik zetozenak, baina gainontzeko guztiak deportatu egingo zituztela. Otsailean, esaterako, Guatemalako ia 100 adingabe deportatu zituzten Mexikotik.
SOS Arrazakeriak antolatuta, 'Hilmugak' lelopean egin dute Arrazakeriaren Aurkako 26. martxa. Trintxerpetik Donostiara bidean ozen adierazi dute inor ez dela legala.
Azken bi asteetan bi hegazkin irten dira Madrildik Senegalera, gutxienez 36 senegaldar migratzaile inguru erbesteratzeko. Pandemia hasi aurretik ere hegazkin bidezko deportazioak egiten zituen Senegalera Barne Ministerioak; ezagutzen den azkeneko aldia 2018an izan zen. 2020ko... [+]
Ongi Etorri Errefuxiatuak Araba aldendu egiten da egungo polemikatik –estatuko harrera-eredua vs euskal harrera-eredua–, eta beharrezko bost neurri aldarrikatzen ditu, Gasteizen errefuxiatuentzako harrera-zentro integral eta duin bat irekitzeko, hiriko beste... [+]
2021ean atxilotu zuten, Ertzaintzak bera ere bizi zen etxebizitza-blokea hustu zuenean, eta deportazio-espediente bat ireki zuten bere kontra. Kidearen berehalako askatasuna exijitu du Etxebizitza Sindikatuak, eta salatu du gertatutakoa ez dela kasu isolatu bat... [+]
