Lesboserako 30.000 litro esne bildu ditu Zaporeakek Gipuzkoan
Hurrengo bilketa Gasteizen izango da martxoaren 27an, apirilaren 10ean Nafarroan egongo dira eta Bizkaian amaituko da bilketa apirilaren 24an.
Martxoaren 13an hasi zuen Zaporeakek Hego Euskal Herrian egingo duen behi esne osoaren bilketa. Gipuzkoatik hasi dira eta bertako bilketan 30.000 litro esne bildu dira Donostia, Arrasate, Aretxabaleta, Aramaio, Antzuola, Oñati, Zarautz, Usurbil, Urretxu, Legazpi, Beasain, Legazpi, Ordizia, Astigarraga eta Tolosan. Batuko duten guztia Lesbos uharteko errefuxiatuen kanpamentura bidaliko dute, Greziara.
Ostegunean abiatuko da kamioia Lesbosera, batutako esnearekin batera bildutako dirua ere bidaliko da eta frutarekin batera banatuko da Kara Tepeko biztanleen artean. 7.200 lagun inguru daude kanpalekuan, horietatik 2.250 bakarrik dauden gizon nahiz emakumezkoak dira, 900 familia txiki, hiru edo lau lagun ingurukoak, eta 500 familia handi, bost lagunetik gorakoak.
Hurrengo bilketak
Hurrengo bilketa Gasteizen izango da martxoaren 27an, Gasteizko Elikagai bankuan, goizeko 10:00etatik gaueko 20:00etara. Apirilaren 10ean Nafarroan egingo da eta Bizkaian amaituko da bilketa apirilaren 24an. Lurralde bakoitzean, hiriburuez gain, hainbat udalerri atxikiko dira. Zaporeakek, irabazi asmorik gabeko elkarteak, dituen proiektuetan lagundu nahi izanez gero webgunean dago informazio guztia eskuragarri.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]