Emakumeak borrokan

3.000 errefuxiatu baino gehiago erreskatatu dituzte Siziliako kanalean asteburuan

  • Italia eta Afrika arteko itsasoan 24 erreskate operazio egin dituzte asteburuan. Horietan 3.000 errefuxiatu baino gehiago erreskatatu dituzte, eta Público egunkariaren arabera zenbaki hori haztea espero dute, erreskate gehiago egin baitituzte asteburutik hona.

Lukas Barandiaran San Roman
2017ko martxoaren 21a

Italiako Kostako Guardiak eta hainbat Gobernuz Kanpoko Erakunde hartu dute parte operazioetan, eta jasotako errefuxiatuak Augusta eta Cataniako portuetara heltzen joan dira.

Urtea hasi denetik 15.852 errefuxiatu erreskatatu dituzte inguru horretan, iazko epe berean baino %67 gehiago. Público-k jaso dituen adierazpenen arabera, Italiako Gobernuak aurreikusten du aurten 250.000 pertsona helduko direla Italiara, iaz baino 70.000 gehiago.

Urtebete bete da martxoan Turkiak eta Europako Batasunak errefuxiatuei buruzko ituna sinatu zutenetik. Greziara igarotzen diren errefuxiatuak Turkiara itzultzea adostu zuten, azken herrialde hori segurutzat izendatu baitzuten.

Ordutik asko murriztu da Turkiatik Greziara igarotzen diren pertsonen kopurua. 2015ean 857.363 pertsona igaro ziren, eta 2016an 176.906, %79 gutxiago. Aitzitik, hazi egin da Mediterraneo erdiko igarobidetik iristen diren errefuxiatuen kopurua. 2015ean 155.842 pertsonak erabili zuten ibilbide hori, eta 2016an 181.436k, %16 gehiago.

Manifestazioa Bilbon arrazakeriaren aurkako egunean

Asteartean, hilaren 21an, manifestaziora deitu du SOS Arrazakeriak Bilbon, arrazismoaren eta xenofobiaren kontrako nazioarteko eguna dela eta. “EBk mugak ixteko darabilen politikak, nazioarteko zuzenbidea urratzen duenak, arrazismoa eta xenofobia sendotzen ditu”, adierazi dute zabaldutako oharraren bitartez. Manifestazioa Arriaga plazatik abiatuko da 19:30ean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errefuxiatu krisi globala  |  Italia

Errefuxiatu krisi globala kanaletik interesatuko zaizu...
2019-05-19 | Koldo Azkune
Siriako errefuxiatuak Nafarroan
"Han genuen guztia galdu dugu, ez dugu nora itzuli"

Gerra hasi baino lehen, Siriak 20 milioi biztanle zituen. Egun, populazioaren erdia baino gehiago desplazatuak dira, Siriako zonalde batetik bestera edo atzerrira ihesean ateratakoak. Nafarroara iritsitako hiru siriarrekin aritu gara, hemen bizi duten errealitatea ezagutzeko batetik, Sirian gertatzen ari denaz hitz egiteko bestetik.


'Gerra hemen hasten da' dokumentala
Odola dario gure arma industriari

Munduko gerrak negozio potoloa dira Euskal Herriko ehun bat enpresarentzat. Bilboko portutik Ekialde Hurbilera, ontzi arabiarrak hara eta hona aritzen dira su-armez beteriko kontainerrak eramaten, hilean behineko maiztasunarekin. Handia da karga bakoitzean garraiatutako lehergailu kopurua: 31 tona, Gernika bonbardatzeko erabili zen beste. Geuk sortu, garraiatu eta saldutakoari erabilera guk ematen ez diogun arren, lan sektore honek kezka sortzen du gizartean. Hortik abiatuta egin dute Gerra... [+]


2019-05-13 | ARGIA
Zaporeak-ek 5.000 pintxo banatu ditu errefuxiatuekiko elkartasun festan

Igandean egin zen Iruñeko San Frantzisko plazan errefuxiatuekiko elkartasuna adierazteko festa eta bertan egunean zehar milaka lagunek dastatu zituzten Iruñeko 50en bat taberna eta elikadura munduko 20 bat enpresek eskainitako jakiak eta pintxoak. Bildutako dirua Zaporeak elkarteak otorduak banatzen segitzeko erabiliko da.


Mugak zabaldu
MULTIMEDIA - bideo herrikoia

Europan hedatzen ari den neofaxismoari aurre egiteko ekimena da “Herrien besarkada”. Horren bidez, Europa “diskriminatzailearen” aurrean, etortzen direnei harrera egiteko, elkartasuna adierazteko eta babesa emateko beso zabalik daudela adierazi nahi dute, besarkada elementu sinboliko gisa erabiliz. Maiatzaren 5ean egingo dute ekimena.


2019-04-12 | Axier Lopez
Errefuxiatuen aurkako jazarpena nagusi 2019ko World Press Photo-n

Getty Images AEBetako erraldoiarentzat lan egiten duen John Moore argazkilariak irabazi du 2019ko World Press Photo-ren lehen saria. AEBen eta Mexikoren arteko mugan egindako argazkia aukeratu du epai mahaiak 4.738 argazkilarik lehiaketara bidalitako 78.801 irudien artean.


2019-04-07 | Axier Lopez | JR
Munduko harresirik hilgarriena

AEBek eta Mexikok 3.169 kilometro konpartitzen dituzte. 1994tik lur horien herena bost metroko garaiera duen hesi batek bereizten du. Azken 25 urteotan 10.000 lagun inguruk (heriotza horien kontaketa ofizialik ez da) galdu du bizitza muga eta hesi hori gainditu nahian, 2018an 260 pertsonak.


2019-04-01 | Hala Bedi
Hileta-martxa Gasteizen, Mediterraneoan hildakoak gogoratzeko

OEE Arabak deituta, hileta-martxa sinboliko egin zuten larunbatean Mediterraneoan hildakoak gogoratzeko. Asteazkenean Ongi Etorri dokumentalaren estreinaldia eta, 5m5. Herrien besarkada kanpainaren aurkezpena izango dira Gasteizen.

 


2019-03-20 | ARGIA
50 lagun itsasotik erreskatatu dituen barkua konfiskatzeko agindu du Italiako Gobernuak

Mare Jonio barkua konfiskatzeko agindu du Italiako Gobernuak, itsasontzi horrek astelehen honetan 50 lagun erreskatatu ondoren. Italiako bandera dauka barkuak eta Mediterranea Saving Humans proiektuko partaidea da.


Erri Barriuso, Open Arms erreskate-ontziko langilea
"Estatuek egin beharko luketen lana egiten dugu"

Urtarrilaren 8an blokeatu zuten Open Arms erreskate-ontzia Bartzelonako portuan. Adierazi dutenez, itsasoan egoera larrian dagoen jendea naufragoa da, eta derrigorrez jaso beharra dago; bestalde, emigrazioa argudio politikoa dela eta estatuek hala baliatzen dutela dio Proactiva Open Arms taldeak. Gobernuz Kanpoko Erakunde horrek 2015ean ekin zion jardunari, eta ordutik milaka pertsona erreskatatu ditu. Bertako langilea den Erri Barriusogaz egon gara.


2019-02-15 | Irutxuloko Hitza
Donostiako autobus geltokian atzerritarrei pasaportea eskatzen dietela salatu dute

Donostiako Harrera Sareak eta SOS Arrazakeriak salatu dutenez, autobus geltokian pasaportea eskatzen diete atzerritarrei bidaiatzeko. Estatu barruko leku batera nahiz Schengen eremuko beste estatu batera doazenean ere eskatzen diete. Autobus konpainien jokabidea da salatu dutena. “Hemen ez dago halako araudirik; beraz, autobus konpainiek hartutako erabaki bat da», esan du Peio Aierbek, Gipuzkoako SOS Arrazakeriako kideak. 


Eguneraketa berriak daude