24 egun gose greban Estrasburgon autopista berri bat gelditzeko eskatuz
Azaroaren 14an, gose grebaren 24. eguna daramate batere jan gabe bost lagunek Estrasburgon (Alsazia, Frantzia), han agintariak oihan historiko bat suntsituz eraikitzen hasi berri diren autopista baten obrak gelditzeko eskatuz. Urriaren 22an hasi ziren hamarretatik bostek utzi egin behar izan dute protesta, medikuaren aginduz edo, astelehenean gertatu bezala, ondoezak jota.
aurre egingo dieten hedabide independenteak
Astelehenean, 12, GCO autopistaren aurkako protestari Estrasburgon eusten zioten sei gose grebalariek dei egina zieten beren lagunei bezala hurbildu nahi zuten hedabideei, mezu bat pasatzeko. Prefetaren –Frantziako departamenduetan prefeta da agintari nagusia, Parisek zuzenean izendatutako ordezkaria– egoitzaren atarian biluzteko asmoa zuten denen aurrean. Baina azkenean sei izan ziren, argazkietan ageri den moduan, azaldu zirenak. Zergatik ez sei?
"Prefetaren egoitzatik metro gutxira –kontatu du Reporterre-k– gose grebalarietako bost denen aurrean biluztu ziren ez jateak beren gorputzetan dauzkan eraginak erakusteko. Bost eta ez sei? Pierre Rosensweig, 69 urte, bere kideekin elkartzera zihoan plaza oinez zeharkatuz. Denak zeuden grebalari oso argal eta biluztuei begira. Eta atzera erreparatu zutenean, kazetari, militante eta beste herritarrek orduan ikusi zuten falta zen seigarrena lurrera erorita zegoela, erabateko ahuleziak jota. Laster batean iritsi zitzaizkion laguntzera hesien atzetik ekintza kontrolatzen zuten polizia. Suhiltzaileek Hautepierre ospitalera eraman zuten. Erorikoan bizkarrean min hartu zuen, justu segundu batzuk lehenago bere ondoan zegoen militante batek".
.jpg)
Astelehenera arte 22 egun ezer jan barik zeramaten grebalariek publikoan larru bixirik jartzea erabaki zuten zenbaitek sare sozialetatik zabaldutako zurrumurruei aurre egiteko. Zurrumurruok zioten protestalariak iluntzean etxera joaten zirela eta han jaten zutela. Frantziako poliziaren informazio zerbitzuek oso gertutik zaintzen dute gose greba eta protestaren egoitza jarrita daukaten eliza protestantean ere agertuak dira behin baino gehiagotan. Horrela dakite grebalarietako batzuek protestaz gain bizimodu normala egiten saiatzen direla; esaterako Christine Ludes jubilatuak iluntzero ama zaharra zaintzera joan beharra dauka. Zurrumurruen iturria agintarien artean dagoela uste dute askok, prefetaren idazkari nagusiaren izena ere aipatzeraino. Astelehenko ekintzan biluztutakoan, grebalariek larruazalean markatuta zeramaten baraualdiaren ondorioz galdutako pisua.
Agintariek aurrera jarraitzen dute –herri herri obrek pizten dituzten protestak zanpatuz– Estrasburgoko 24 kilometroko saihesbide pribatu berria eraikitzeko lanekin. Eta bitarte horretan, urriaren 22an baraualdiari ekin zioten hamarretatik bostek utzi behar izan dute. Hiruk, greba luzatzen zela ikusita, beren lanbideak hala eskatuta; Jean-Jacques Pion (79 urte) medikuak aginduta, eta Pierre Rosensweig (69) astelehenean ondoezak jota ospitalera eramanik. Baraualdiari eusten dioten bostek eskatzen dute –ARGIAk jadanik azaldu duenez– Estrasburgo inguratuko duen GCO autopista-saihesbidearen obrak geratu eta gaia berriro aztertzea.
24 kilometroko autopista, pagatuzkoa izango dena, 1970eko hamarkadan proiektatu zuten eta promotoreek haren beharra argudiatzen dute Estrasburgoko trafikoa mendebaldetik arinduko duela. Kontrakoek, aldiz, auto eta kamioien trafikoa are gehiago sustatuz proiektu honek beste askok bezala klimaren aldaketaren kontrako edozein estrategia eragozten duela. Promotorea Vinci multinazionala da, Frantziako autopista gehienen kudeatzailea eta beste herri-lan askoren kontratatzaile nagusienetakoa. GCO autopistak 350 hektarea baso, soro eta zelai suntsitu eta artifizialduko ditu.
Asteartean, 13, Europako Legebiltzarrean izan dira gose grebalariak zenbait europarlamentarik gonbidatuta.
Les grévistes de la faim qui luttent contre le GCO sont ce matin au Parlement européen. 23 ème jour de grève contre un projet qui a contre lui 7 avis défavorables et dont l’inutilité apparaît de plus en plus évidente chaque jour. #GCOpourUnMoratoire #GCO #ParlementEuropéen pic.twitter.com/J1IKTtz9ix
— J-Jacques Régibier (@JeanRegibie) November 13, 2018
Bilboko Errekalde auzoko igerileku batean gertatu zen ezbeharra. Larrialdi zerbitzuek erreanimazio lanak egin zizkioten adin txikikoari, eta Gurutzetako ospitalera eraman zuten; hiru egunetara hil egin da.
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
.JPG)
7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen.
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]