1.000 sinadura lortu dituzte Arrangoitzen (Lapurdin) ezarri duten 5G antena-errepìkagailua kentzea eskatzeko. Kazetak bildutako informazioaren arabera, ekainaren 8an hasi ziren 38 metroko antena jartzeko lanak, eta herritarrek salatu dute “ezustean harrapatu” zituela.

Biztanleen haserrea ikusita, Philippe Echevarria auzapezak eraikuntza kentzeko prozedura hasi du. Haren esanetan, antena-errepikagailua kentzeko operadoreak “erabakia errekurritu” beharko luke.

Besteak beste, “kalte estetikoa” eragiten duela azaldu dute, eta etxeetatik 300 metro baino gutxiagora eraiki dutenez, osasun gaietan zirugabetasuna eragiten duela diote. Uhin elektromagnetikoek kaltegabeak direla frogatzen duen ikerketarik ez dagoela azpimarratu dute.