2018ko uztailaren 27an - 00:00
The Underground Railroad. Colson Whitehead. Doubleday (2016). 316 orrialde.

AEBetako hegoaldeko kotoi plantazio batean jaio den Cora neska gaztea da nobela honetako protagonista. Bere ama ere bertan jaio zen, gizon zuriaren gupidagabekeria agerian uzten duen leku gorrotagarrian. Milioika eta milioika lagun bezala, Afrikatik indarrez eraman zuten amona esklaboaren oroitzapenek kokatzen dute nobela. Corak, egun batean, ihes egitea erabakitzen du. Heriotza eta tortura oso presente izanagatik ere, askatasunaren bila egiten duen bidaia kontatzen du liburuak.

AEBetako esklaboei ihes egiten laguntzeko antolatu zuten sare klandestino historikoaren izena darama liburuak: Lurpeko burdinbidea. 1800 urte inguruan hasi ziren ekintzaile abolizionista hauek modu honetara antolatzen eta 1860 bitartean, milaka esklabori lagundu zieten iparraldeko estatuetara eta Kanadara heltzen, nahiz eta askok beren bizitzarekin ordaindu zuten hori egitea. Burdinbidearen bidez, egileak historia eta fantasia nahasten ditu, modu ederrean.

Colson Whitehead idazlea.

Colson Whitehead idazle afroamerikarrak idatzitako eleberri honi 2017an Pulitzer saria eman zioten. Ez dute euskaraz argitaratu; frantsesez Underground railroad izenburupean argitaratu dute; gaztelaniaz, El Ferrocarril Subterráneo.

Iraganari buruzko kontaketa argigarri, irudimentsu eta zorrotz honen pasarteetako batean, protagonistetako bat zahartu da eta Lehen Mundu Gerrari buruz irakurtzen ari da. Bere ustez europarren gerra izugarria eta bortitza da, baina izenarekin ez dago ados: “Guda Handia beti izan da zuriena beltzen aurka. Eta beti izango da horrela”.


Kanal honetatik interesatuko zaizu: Aktualitatearen Gakoak 2018
Pobrezia 'trendy' bihurtu nahian

Zu zer zara, langile klasekoa? Prekarioa? Klase ertainekoa? Ertain-baxukoa agian? Gure baliabide ekonomikoak mailakatzeko erabiltzen diren kontzeptu horiek hedabide nagusietan agertzen dira oraindik tarteka, baina azken boladan sailkapen horien gainetik beste fenomeno batzuk... [+]


AHT: Amaiera gabeko trenbidea

Agintariek herritarrei “etorkizunaren” izenean hitz emandako Abiadura Handiko Trenbide sarearen hiru laurden amaitu gabe dago, lehen proiektuak hasi eta ia hiru hamarkada ondoren. Oraindik urteak beharko dituzte zati gehienak amaitzeko eta batzuk seguruenik ez dira... [+]


Langile borroka
Erresistentzia kutxan (derrigor) sartu beharreko bost gauza

Diru-ekarpenez, funtsez eta sosez harago, beste oinarrizko osagai batzuk ere behar dira sartu zorroan, greba baten bidaia luzerako prestatzeko.


Zer egingo dugu erasotzailearekin?

Eman dezagun zigor sistema ez zaigula baliagarria iruditzen, kartzelarik ez dugula nahi. Orduan, zein da alternatiba? Zer egingo dugu eraso matxista egin duen horrekin? Mugimendu feministek askoz gehiago landu dute erasoa jasan duenaren gaia, erasotzaileaz gutxiago gogoetatu da... [+]


Eguneraketa berriak daude