Peluka berdeak eta kresala

  • ANTZEZLAN LABURREN MARATOIAren kronika. Noiz: Abenduaren 9an. Non: Durangoko Azokako Szenatokia gunean. Antzezlanak: Sarean kateatuak eta Takoidun zapata gorria.

Dabi Piedra
2017ko abenduaren 31
“Sarean kateatuak” antzezlanaren emanaldi bat.
“Sarean kateatuak” antzezlanaren emanaldi bat.

Durangoko Azoka kulturaren plaza bihurtu denetik, liburu eta disko berrienak erosteko lekua ez ezik, sortzaileen eta artisten erakusleiho paregabea da Landako gunea. Szenatokia ez dago Landakon bertan, kale artetik eta ibaia zeharkatuz iritsiko gara gune horretara, San Agustin kulturgunean. Arte eszenikoen eremua da eta, Azoka martxan egon den artean, makina bat antzezlan eskaini dute han, gehienak formatu laburrean.

Denak ezin ikusi, eta larunbat eguerdian saio bikoitza egitea erabaki dugu, mikroantzerkiari eskainitako maratoiak eman digun aukerari esker. Kontrastea dakarkio programazioak publikoari: Lehenengo, Sarean kateatuak, pieza bizkorra, erritmo bizikoa, koloretsua. Ondoren, Takoidun zapata gorria, antzezlan ilun eta malenkoniatsua.

2016an Poltsiko Antzerkiaren lehiaketako lehenengo saria irabazi zuenetik, hainbat formatutan eman dute Sarean kateatuak: 40 minutuko antzezlana izan zen hasieran, ordubetera luzatu zuten gero, orain interneteko websail ere bada –www.nomofobikak.eus webgunen ikusgai daude sei kapituluak–. Durangon, 20 minutuko pieza laburtua eskaini zuten Belen Cruz, Amaia Lizarralde eta Olatz Beobide aktoreek.

Ileorde berde deigarrien eta atrezzo xumearen laguntza baino ez zuten behar izan publikoari saio entretenigarria eskaintzeko. Erritmo bizian, esketx erako zenbait eszena taularatu zituzten, gaur gaurkoa den gaiaren inguruan: Sakelako telefonoaren menpe dago gizartea, uneoro konektatuta egoteko beharra du. Sakelakoari lotuta bizitzearen zentzugabekeria agerian uzten du antzezlanak.

Ondoren, iluntasunak hartu zuen San Agustingo oholtza. Pablo Ibarluzeak zuzendutako Takoidun zapata gorria lanak kostaldeko herri kresaltsu bateko taberna zulo ilunera eraman gintuen, hango hiru pertsonaiaren eguneroko errutina errepikakor eta esperantza gabekora. Narratzailearen ahots pausatuak protagonisten asmo zapuztuetan eta amets ezinezkoetan barrena bidea egin ahala, hiruren patuak elkarri lotzen joan zitzaizkion, pixkanaka.

Gidoi sendoa lagun, asko iradokitzen duten antzezlan horietakoa da Takoidun zapata gorria. Argiarekin, musikarekin eta gorputzen mugimenduekin sortutako atmosferak beste garai bateko kontakizunetara eraman gintuen, azalean kresala sumatzera iritsi ginen ia. Publikoak txintik ez zuen atera antzezlan osoan, baina amaieran txalo zaparradaz saritu zuen Mikel Ayllon, Jabi de la Ydalga, Haizea Paris eta Igor Arzuaga aktoreen lana. Euskal antzerkigintza oparoa eta askotarikoa dela erakutsi zigun Szenatokiko antzezlan laburren maratoiko lagin bikoitzak.

Kanal honetan artxibatua: Antzerkia

Antzerkia kanaletik interesatuko zaizu...
Gorputzak ehuntzen

“Genero praktikak” ikastaroa antolatu zuten urte hasieran Oiartzunen Ehuntze Sormen Espazioak eta Metrokoadroka kolektiboak. Gorputzetik sortu, gorputzetik hitz egin eta gorputzetik komunikatu daitekeela irakatsi zuten. Generoari buruzko diskurtso potolorik gabe, jolasa eta intuizioa bidelagun hartuta.


2018-02-04 | Eneko Olasagasti
Artista langileak

Madrilgo Aktoreen Batasuneko idazkari nagusi Iñaki Guevararen hitz dira honako hauek: “Aktoreak noizbehinkako langileak gara eta, horregatik, legeak egokitu beharrean gaude gainontzeko langileen eskubide berak lortzeko”.

Bere hitzek azken urteetan eman den ekimen baten mamia laburbiltzen dute. “Artistaren Estatutua” bezala ezagutzen da eta horixe du helburu: langileen eskubide berak izatea, artistak ere langileak garelako.

Hedabideek saltzen duten aktoreen... [+]


2018-01-17 | Mikel Asurmendi
Maddi Zubeldia: "Gure amaren Alzheimerrak nire baitan eragin duena da 'Oroitzen naizeno' lana"

Ostiral honetan, urtarrilaren 19an, Azkaingo Ikastolak Maddi Zubeldiak idatzitako Oroitzen naizeno antzezlanaren emanaldia antolatu du herriko Gaztetxean. Kari horretara, obraren inguruan mintzatu gara egilearekin.


2018-01-12 | dantzan.eus
2018ko inauterien oinarrizko egutegia

Urtarrilarekin batera hasi dira inauteriak hainbat herritan. Data nagusiak, berriz, otsailaren hasieran izango dira, eta urtero egin ohi dugun moduan, inguruan topatu daitezkeen neguko festetara gonbidatu nahi zaituztegu. Horretarako hemen duzue 2018. urteko inauterietako oinarrizko egutegia. Zerrendan ez daude guztiak. Gogoratu inauteriak bihurri samarrak izaten direla eta inora joan aurretik ospakizunak baieztatzea komeni dela.


2018-01-09 | Euskal Irratiak
Ho, Pitxu ho! Igandean hasi da Muskildin Maskaraden sasoia

Denbora hotza izanik ere, ateri zen eta jendea hurbildu da lehen maskaraden ikusteko.


Ispilu deserosoa

Stereo antzezlan eta liburuari buruzko solasaldi irekiaren kronika. Noiz: 2018ko urtarrilaren 4an. Non: Oiartzungo Udal Areto Nagusia.

Obra: Stereo. Antzezlea: Miren Gaztañaga. Zuzendariak: Miren Gaztañaga eta Ainhoa Jauregi.


2018-01-03 | dantzan.eus
Igandean hasiko dira aurtengo Maskaradak Muskildin

Urtarrilaren 7an hasiko dira Maskaradak Zuberoan. Aurten Muskildik antolatu eta eramango ditu herriz herri maskaradak, beraz, Muskildin izango dira lehen eta azken saioak.


Izaera handiko poetak

Autobiographikal emanaldiaren kronika. Non: Zarauzko Putzuzulo gaztetxean. Noiz: 2017ko azaroaren 12an. Protagonistak: Ane Zubeldia eta Eider Perez.


Leioan zuen egoitza utzi behar izan du Artedrama antzerki plataformak, udalaren erabakiz

Sare sozialen bidez zabaldu duten gutun batekin esan dio agur Artedramak Leioari. 2012tik Bizkaiko herrian egoitza iraunkorra izan ondoren, udal-erabaki batek lekuz aldatzera derrigortu ditu.


ASTEKARIA
Azkenak
EGILEA
Eguneraketa berriak daude