XanOlive elektro-pop taldearekin itzuliko da zuzenekoetara Xano Halsouet
Urtarrilaren 21ean Oiartzungo Pagoa aretoko taulara igoko da Xano Halsouet bere talde berriarekin, urtetan zuzenean aritu gabe egon ostean.
Ibilbide luzeko musikaria da Halsouet urruñarra. 1990eko hamarkadan Prestuak taldean hasi zen eta gero King Mafrundi kultuzko reggae taldeko kide izan zen.
Musikari askorekin kolaboratutakoa, azken urteetan produktore gisa nabarmendu da. Bere eskua sumatzen da Pantxika Solorzanoren eta Maddi Zubeldiaren lanetan, baita Atsegin, Diabolo edo Kartsuki taldeenetan ere, besteak beste.
Baina ekoizpen lanekin bakarrik ezin antza, eta bi lagunekin elkartu da talde berri baten sortzeko: batetik, Basque Electronic Diaspora proiektuaren bidez ezagutu zuen EMC Apaizgoa; eta bestetik, King Mafrundin taldekide izan zuen Matthieu Haramboure. Hirurek bat eginda xanOlive proiektua jarri dute martxan, iturri ugaritatik edaten duen pop elektroniko talde bat, nahiko proposamen eklektikoa dakarrena.
Grabazioetatik aparte entzun nahi izanez gero, urtarrilaren 21ean dago aukera bakanetako bat Oiartzungo Pagoa aretoan, 23:00etatik aurrera.
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
'Azken heriotza' biraren eskutik, Anestesia taldeak kontzertua emanen du larunbatean Atarrabiako Totem aretoan.
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]
Autotunea eta rocka nahastea izango da zakilzaharrentzat sakrilegiorik handiena: “Tranpa” dela, hori musika ez dela, edonork egin dezakeela. Musikariek badakite, ordea, gitarra elektrikoari efektu pedalak kenduz gero, zatarra eta, batez ere, zaila dela jotzeko... [+]
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.