Kazetari alemaniarrek AEBren alde idazteagatik opariak jasotzen dituztela argitaratu du kazetari ohi batek

  • Gekaufte Journalisten (Erositako kazetariak) liburua argitaratu du Udo Ulfkottek (Lippstadt, Alemania, 1960), Frankfurter Allgemeine Zeitung egunkariko korrespontsal ohiak. Kazetari alemaniarrak AEBen aldeko eta Errusiaren aurkako albisteak idaztera bultzatzen dituztela azaltzen du bertan, eta Alemaniako demokrazia “ilusio bat” baino ez dela.


2014ko azaroaren 18an - 00:00
Azken eguneraketa: 2015-02-26 13:37:33

Ulfkottek Global Research guneari eskaini dion elkarrizketan dioenez, politikari amerikarrek eta alemaniarrek eragin handia dute bertako hedabideetan. Berak urrezko erlojuak eta bost izarreko hoteletan gauak lortu izan dituela aitortu du, amerikarren eta NATOren aldeko artikuluak idazteagatik.

Erositako kazetariak.

“Baina opariak baino garrantzitsuagoa da ematen dizuten babesa. Zure ibilbide profesionala ez doa inora euren alde idatzi ezean”, kontatu du kazetariak. AEBetara bidaiatzeko erraztasunak ematen dituztela dio, eta lehen mailako politikariekin elkarrizketak lortzen dizkietela. “Denek egon nahi dute hor, eta azkenean agintariek nahi dutena idazten amaitzen dute kazetariek”.

Orain galtzeko ezer gutxi duela iritzita, egia kontatzea erabaki du Ulfkottek. “Egunero ikusten ditut amerikarrak hedabideetan hurrengo gerrarako prestatzen. Gaur Ukraina da Errusiaren aurka, baina beti da joko bera”.

Liburuaren argitalpenak arazoak ekarri dizkiola ere aitortu du kazetariak. Frankfurter Allgemeine Zeitung-ek legedi penal, zibil eta laborala hautsi izana leporatu zion, besteak beste. Askok kartzelan ikusi nahi dutela dio, “Estatuko sekretuak argitaratzeagatik".

Ulfkotteren ustez, alemaniar politikariak AEBen txontxongiloak baino ez dira. “Errepublika bananero” gisa definitzen du bere herrialdea. “Alemaniako prentsak prentsa librearen itxura du, baina hau eromena da”.

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Kazetaritza
Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


2024-02-28 | ARGIA
Hedabideetako langileek elkarretaratzeak egin dituzte, Gonzalezen askatasuna eskatzeko

Euskal Herriko komunikabide eta kazetari ugarik, tartean ARGIAk, Pablo Gonzalezen egoera salatu eta haren askatasuna eskatu dute.


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


Kristinn Hrafnsson Assangeren emaztea: "Estraditatzen badute, hil egingo da"

Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.


Eguneraketa berriak daude