Presoen argazkiak erakustea “terrorismoa gorestea” dela dio Auzitegi Gorenak
Presoen argazkiak erakustea "terrorismo delituengatik kondenatuta daudenen legez kanpoko jokabideen gorespena egitea" dela ebatzi du Espainiako Auzitegi Gorenak. Hala ere, euren txosnan –2009ko Bilboko festetan– presoen argazkiak zituzten Txori Barrote konpartsako kideak absolbitu egin ditu, argazkiak nork jarri zituen frogatzerik ez dagoela-eta.
Iazko urrian Auzitegi Nazionalak esandakoaren aurka egin du Gorenak sententzia honekin, argazkiak erakustea ez dela delitua esan bait zuen orduan. Antonio Martín Pallín epaileak sententziaren aurkako boto partikularra aurkeztu du. Txori Barroteko kideen asmoa "presoen gerturatzea eta amnistia eskatzea" zela adierazi du eta beraz "helburu hauek dira portaera horien erruduntasuna eta epaigarritasuna baztertzen dutenak".
