Presoen eskubideen alde kateatu dira Ernai eta Aitzinako gazteak Madrilen eta Parisen
Ernai antolakundeko gazteak Madrilgo Espetxe Erakundeen egoitzan kateatu dira, eta Aitzinakoak Parisko Justizia Jauregian. EPPKri babesa emateko ekimena dela azaldu dute.
Guztira hamalau gazte dira Madrilen eta Parisen kateatu direnak. Ernai antolakundeko zortzi, eta Aitzinako sei. EPPK kolektiboarekin babesa erakutsi nahi dutela azaldu dute, eta euskal preso politikoek jasaten duten espetxe politika salatu: isolamendua, dispertsioa, preso gaixoen egoera, etab. Presoak borrokan gu ere bai leloa erabili dute horretarako.
Parisen poliziek kateak moztu eta gazte guztiak atxilotuta eraman dituzte bi orduren buruan. Madrilen berriz, poliziak tokia inguratu du baina gazteek kateatuta jarraitzen zuten oraindik eguerdian.
[Eguneraketa: 2016/12/27, 16:50]
Madrilen kateatu diren zortzi gazteei kateak kendu dizkiete baina libre geratu dira. Parisen atxiloturiko zazpi gazteak berriz Forum des Halleseko komisaldegira eraman dituzte. Donostian manifestazioa egingo dute asteazkenean 19:30etan Boulebarretik abiatuta.
Twitter bidez eman dute antolakundeek ekimenaren berri, #GazteokZuekin traola erabiltzen ari dira horren inguruan informatzeko:
#gazteokzuekin(r)i buruzko Txioak
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.