Nola eragiten die dispertsioak emakumeei?
Sare, euskal preso, iheslari eta deportatuen eskubideen aldeko sare herritarrak, Dispertsioa eta emakumeak, ezagutzen ez dugun egunerokoa hitzaldia antolatu du martxoaren 4an, Donostian.
Kattalin Miner, Oihana Etxebarrieta eta Teresa Toda izango dira hizlari Donostiako Garoa liburu-dendan. Eider Olazar izango da moderatzailea. Antolatzaileen ustez, diskriminazioak muturreko egoeratan nabarmendu egiten dira. Dispertsioak senideei eta lagunei eragiten die, baina bereziki emakumeari nola eragiten dion aztertu nahi dute. Galdera honi erantzuten saiatuko dira: Jendarteko botere harremanak eta rolak areagotu egiten al dira dispertsio egoeratan?
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]