Baiona Tipiko lehen mailako eskolak ateak itxiko ditu 2017 ikasturte hasieran, eraikina Bonnat Museoa handitzeko erabiliko baita. Eskolako gurasoekin hilabeteak hausnarrean eman ondoren, Herriko Etxeak egoerari irtenbidea ematea erdietsi du: eskola berri bat irekiko da Baiona Tipian, Ravignan kalean dagoen Medikoak peñaren eraikinean. Modu horretan, Kazeta.eus-ek jaso duenez, kultura eta hezkuntzaren aldeko politika bermatuko litzateke.
Gurasoek hainbat alternatiba zituzten esku artean, haurrak Baiona Handiko ikastetxera lekualdatzea, kasurako. Azkenean, Medikoak peñaren eraikinean eskola berria eraikitzea hobetsi du Herriko Etxeak. Ikastetxeak 50 bat metro karratuko hiru gela, irakasleen gela, liburutegia eta aisialdirako espazioa izango ditu, besteren artean. Obrek guztira 1,3 milioi euroko kostua izanen dute. Eskolako guraso Laurent Loustalotek proiektua egokitzat jo du France Bleu irratian.
Haatik, bada hainbat gurasoren damua eragin duen arazo bat: eraikin berria egokitu baino lehen, eta behin Bonnat Museoaren obrak hasita direla, ikasleek egoitza modularretan egon beharko dute.
Bonnat Museoaren obrek bi urte inguru iraungo dute
Herriko Etxeak azaldu duenez, orain arte lehen mailako eskola izan denaren eraikinean Bonnat Museoak erreserbak sortuko ditu, obrak bertan gorde ahal izateko. Eraikinean harrera salak eta publikoaren arartekotasuna ziurtatzeko gelak ere sortuko dira. Obrak 2019rako amaituta egotea aurreikusten da.
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]