Kabia Foru erakundeak 16 egoitzatako 1.505 plaza eta 1.248 langile hartuko ditu bere baitan, udalekin modu "adostuan". Erakundea 2014an sortu zen Bildu gobernuan zela.
Gipuzkoako udal egoitzak Kabian pixkanaka sartzeko prestatu duen egutegiaren berri eman du Gipuzkoako Foru Aldundiak. Horrela, dagoeneko Kabian integratuta dauden Azkoitia, Elgoibar, Villabona eta Zumaiako zentroei, Andoain, Arrasate, Bergara, Eibar, Errenteria, Hernani, Irun, Lasarte-Oria, Oñati, Ordizia, Pasaia eta Tolosako zentroak erantsiko zaizkie eta, ondorioz, 224 plaza kudeatzetik 1.505 kudeatzera pasako da 2019. urtean (1.336 egoitza plaza, gehi 169 plaza eguneko zentroetan).
Markel Olano diputatu nagusiak nabarmendu du Kabiako arreta eta kudeaketa eredua "erreferente" bihurtuko dela Gipuzkoan adinekoen egoitza alorrean, eta "jasangarria eta kalitatezkoa" izango dela, "emaitzetara" bideratutako kudeaketarekin.
Olanok erantsi du Kabia eredua "denon artean" definitu dela, Aldundiaren, udalen eta egoitzen arteko "adostasuna eta akordioa" lortzeko asmoarekin, eta, gainera, Kabian integratuko diren egoitzetako "ezagutza" aprobetxatu nahi dela.
Adostutako ereduari jarraituz, udal egoitzak pixkanaka integratuko dira Kabian, bakoitzak integratzeko izango duen zailtasun teknikoaren mailaren arabera (baxua, ertaina edo altua), eta kontuan hartuta Irun eta Pasaian egoitza berriak irekitzeko proiektuak daudela.
Horrela, 2017. urtean, Andoain, Bergara, Ordizia eta Lasarte-Oriako zentroak integratuko lirateke: 2018. urtean, Oñati, Errenteria, Tolosa eta Arrasate; eta 2019an, Pasaia, Irun, Eibar eta Hernani.
Finantzaketari dagokionez, plan ekonomiko bat dago prestatuta, Kabiak 2017-2019 denboraldian izango duen eragin ekonomikoa aurreikusten duena, guztira 115.742.691 eurokoa, era honetan banakatuta:
Udal egoitza guztiak 2019. urtean Kabian txertatu ondoren, guztira 1.248 langile izango ditu (299 lan talde propioan eta 949 zerbitzu enpresetakoak). Honekin lotuta, Gipuzkoako Foru Aldunditik adierazi dute Kabian sartuko diren langileek "egungo lan baldintzak" izango dituztela.
Albiste hau Goienak eta CC-by-sa lizentziari esker ekarri dugu ARGIAra
Sakanako pertsona zaharrei babesa emateko proiektu pilotua da Teknoadineko Landab. Bizilagunen parte hartzea “funtsezkoa” dela nabarmendu du Nafarroako Gobernuak.
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.