Garbiñe Elizegi Baztango alkateari elkarrizketa egin diote Info7 irratiko Kalegorrian saioan. Elbeteko festetan mutil-dantzan parte hartzeagatik txistu eta irain artean dantza egin behar izan zuen.
Ia galtzekotan egon zen dantza, eta orain hiru bat hamarkada hasi zen berreskuratzen, emakumeen partehartze eta guzti. Elizegik azaldu duenez, herri gehienetan normalizatuta dago emakumezkoek ere dantza egitea, nahiz eta zenbait lekutan gatazka izan.
Elbeteko kasuan, esan du, orain urtebete dantza talde pribatu bat sortu zutela. “Dantza pribatizatu nahi dute eta emakumezkooi dantza egitea ukatu nahi digute”, azaldu du.
Iaz udal taldeak ekitaldira joateko gonbitea jaso bazuen ere uko egin zioten joateari. Aurten ordea, parte hartzeko erabakia hartu dute, horrelako jokaerekin bukatu asmoz.
“Dantza publikoa da, irekia, eta hasi zirenean Bilduko gizonezko zinegotzi bat sartu zen dantzara. Ez zen ezer gertatu, baina gu, emakumeok sartu ginenean txistu eta irainak entzun behar izan genituen. Taldeko dantzariek alde egin zuten plazatik. Oso momentu gogorra eta deserosoa izan zen”, nabarmendu du alkateak, eta beste alderdi politikoen jarrera ere salatu du, horiek ere alde egin baitzuten plazatik.
Horrelako gatazkek herriak banatzen dituztela eta euren asmoa ez dela hori azaldu du, baina jarrera horiek onartzeko prest ez daudela adierazi du. “Tradizioarekin astakeriak” egin direla eta horrelako egoerekin bukatu beharra dagoela nabarmendu du.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Askotariko erresistentziak gorpuzten eta aldarrikatzen ditu Aiert Alberdi kantautore oñatiarrak oholtzan zein egunerokoan: gaztea, genero disidentea, euskalduna, langile klasekoa eta herri txikikoa… Musika eta feminismoa ditu indarkeria patriarkalari aurre egiteko... [+]