31 urteko Lucia Bellucci italiarra hil du aste honetan bere bikoteak. Senarra, 45 urteko Veronako abokatua, atxilotu dute. Gertakariak Anna Meldolesi kazetariaren gogoeta eragin du. Il Corriere Della Seran argitaratu duen artikuluko zenbait pasarte itzuli ditugu.
“Ez dakigu zenbatgarrena den Lucia Bellucci 2013an erail dituzten emakumeen zerrenda beti luzeegian. (…) Barne Ministerioaren iturrien arabera, dena den, gure herrialdean ehun feminizidio inguru izaten dira urtean eta goraka doa”.
“Zifrek problema estrukturala erakusten digute, irtenbide errazei gogor egiten diena. Luciak ez du merezi ordea, kasu bat gehiago balitz bezala kontuan hartzea. (…) Hogeita hamaika urteko neska honen historia, hil arte labankatua, topikoen kontrako kolpea ere izan da. Antza denez biktimak salaketa jarri zuen jazarpenagatik. Ez zen bat-bateko haserrealdia izan, beraz, eta bera ez zen emakume pasiboa. (…) Erori den beste estereotipoa bikote ohiaren identitatea da. Ez da langabetua eta ezjakina, alkohol eta indarkeria artean hazia. Vittorio Ciccolini oso abokatu ezaguna da Veronan eta horrek erakusten du hezkuntza maila eta klase soziala ez direla nahikoak bere horretan, jabetza-zentzu gaixotia immunizatzeko; eta horixe da genero-indarkeriaren oinarria. [Ciccolini] berrogei urtekoen belaunaldikoa da, 1970eko hamarkadako emakumeen emantzipazioarekin etorri zen mundura”.
“Elementu hauek begi-bistakoak ziren Osasunaren Mundu Erakundeak ekainean argitaratu zuen txostenean. Feminizioa zeharkakoa da, ez ditu alde batera uzten ekonomikoki eta sozialki aurreratutzat ditugun testuinguruak”.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.