Euskarazko haur eskolen kautelazko neurriak bertan behera uzteko eskatu dio Iruñeko Udalak epaileari
Nafarroako Gobernuko Hezkuntza Departamentuak esan du "praktikoki ezinezkoa" dela beste aurrematrikulazio epe berria irekitzea, eta beraz, euskarazko bi zentroei eutsi behar zaiela.
Abuztuaren 16a. Hori da haur eskolen irekiera data. Eta ordurako gatazka konponduta egotea nahi du Iruñeko Udalak. Are gehiago, Donibaneko eta Printzearen Harresiko bi zentroak euskaraz aritzea aurreikusi du, izan ere, hizkuntza eredua aldatzearen kontrako helegiteak biderik ez duela eginen pentsatzen du. Gauzak ez daude erraz, ordea. Gaur gaurkoz, egoera "ez atzera, ez aurrera" dago Iruñeko alkate Joseba Asironek Euskalerria Irratian esan bezala.
Horregatik, "blokeoa" gaindi dezan eskatu dio udalbatzak epaileari; alegia, kautelazko neurriak altx ditzala eta oraingo aurrematrikulazio kanpaina bere horretan uzteko.
Hezkuntza Departamenduaren laguntza izan du Udalak eskaera horretan. Departamenduak txostena prestatu du euskarazko bi haur eskola berri irekitzeak "eskubideak" sortzen dituela esanez. Hezkuntza Sailaren arabera, funtsean, eskubide horiek otsailaren 15ean Hezkuntzako Zuzendari Nagusiak kaleratutako aurrematrikulazio ebazpenetik datoz, eta honi helegiterik jarri ez zitzaionez, eskubide horiek indarrean dira eta bere bidea egin behar dute.
(Albiste hau Euskalerria Irratiak argitaratu du eta ARGIAra ekarri dugu CC lizentzia baliatuta)
Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.
Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
