Lebranchuk Lurralde Elkargoari ezetz esan izana "oso larria" da hautetsien ustez
  • Marylise Lebranchu Frantziako Estatuko deszentralizazio ministroak adierazi du Euskal Lurralde Elkargoa sortzea ez duela posible ikusten eta Frantziako Gobernuak ez duela sortuko. "Ezin onartuzkotzat" eta "oso larritzat" jo ditu adierazpenak Hautetsien Kontseiluak.

2012ko azaroaren 21a
Marylisse Lebranchu Frantziako Deszentralizazio ministroa.

Urriaren 11ean Hautetsien Kontseiluko ordezkaritzarekin izandako bileran emaniko diskurtsoa aldatu izana leporatu dio Jean-Jacques Lasserre, Hautetsien Kontseiluko presidenteak. "Haren diskurtsoa engainua da" esan du.

Sauveur Bacho Arberatzeko auzapezak Euskal Irratietan jakinarazi duenez, erantzun horren ostean "ez dugu horretan utzi behar, proposamen bat dugu landurik eta aitzina eraman behar dugu". Bachoren ustez mobilizazioa maila bat igotzea da aurrerantzean egin beharrekoa.

Sylviane Alaux senatari sozialista ere haserre agertu zen atzo baina aurrera egingo dutela azaldu zuen. 2013an aurkeztuko den deszentralizazio legearen koadroan, Ipar Euskal Herriak atal bat izango duen esperantza ez du galdu.

Christine Bessonart Ipar Euskal Herriko Auzapezen Biltzarreko buruak nabarmendu du Frantziatik keinu baikorrik ikusi ez arren, maila lokalean egin diren urratsak esperantzagarriak direla.

Hautetsien Kontseiluak bilera egingo du datorren larunbatean. Departamentu berriak izango dituen eskumenak eta beste zortzi eskumen berezi izango dituen Lurralde Elkargoaren proposamenari buruz bozkatuko dute hautetsiek. Alauxek jakinarazi du ezezko erantzunak "digeritzeko" prest daudela eta "nola jarraitu behar duten ere" pentsatzeko garaia dela.

Kanal hauetan artxibatua: Lurralde Elkargoa  |  Lurralde Elkargoa
Azkenak

Lurralde Elkargoa kanaletik interesatuko zaizu...
2015-12-27 | Mikel Asurmendi
Berezko egitura politikoaren alde

Ipar Euskal Herriko eragile politikoak buru-belarri ari dira Herri Elkargoaren osatu aldera. Udaberrian ezagutuko dugu 158 herriko etxeen ebazpena. Hona hemen, gaiaren inguruan urtean zabaldu duguna.


2015-11-29 | Mikel Asurmendi
Alice Leiciagueçahar
“Herri Elkargoa plantan jartzeko kapable gara euskaldunok, oinarriak sendoak dira”

Donibane Garazi, 1956. Europe Ecologie Les Verts (EELV) alderdiko  kidea da. Akitania Eskualdeko kontseilaria eta berdeen eleduna Iparraldean. Akitania, Limousin eta Poitou-Charantes Frantziako hamahiru eskualde berrietako bat da. Ipar Euskal Herriko biztanleek eskualdeko kontseilari berriak hautatuko dituzte abenduaren 6an eta 13an. Alice Leiciagueçahar departamenduko zerrendaburua da. Akitaniako Kontseiluko Azpiegiturak eta Hezkuntza sailetan aritu da azken legealdian. 


2015-11-27 | Mikel Asurmendi
Politika
Bateraren lanaren garrantzia eta osagarritasuna aitortu da

Batera karabana Hendaiatik abiatu zen. Baiona, Angelu eta ondoko herrietatik ibili da, Baterako militanteen ondoan auzapez eta hautetsi franko direlarik, Baterak daraman lanaren garrantzia eta osagarritasuna aitortu dute politikariek.


2015-11-13 | Mikel Asurmendi
Herri Elkargoa
Iparraldeko gizartearen aburua

Ipar Euskal Herriko gizarte eragileek Euskal Herria Elkargo Bakarraren aldeko hautua berretsi dute, Garapen Kontseiluak ezagutzera eman duen txostenaren bitartez.


2015-11-05 | Kanaldude.tv
Busti webTB (5. saioa)
MULTIMEDIA - busti

Busti emankizuna berriz abiatu da. Zuberoako Prefosta elkartearengana joan gara, Ipar EHko elkargo bateratuaren gaia ulertzen saiatu gara eta Oihan Indart Baigorriako gaztearekin solastatu gara.


2015-10-21 | Lander Arbelaitz
Ipar Euskal Herria egituratzeko "aukera historikoa" baliatzeko asmoz Batera karabana

“Aldaketa nagusi batzuen bezperan gira, aukera historikoa dugu lehen aldikotz Euskal Herria egituratzeko eta Akitania eskualdeko bigarren indar publikoa bilakatzeko". Batera plataformak Ipar Euskal Herria egitura instituzional batean bateratzea lortzeko kanpaina berezia antolatu du: herriz herri ibiliko den karabana. Horretarako crowdfunding kanpaina abiatu du.


2015-09-25 | Garazi Zabaleta
Euskararen eta lurralde aitortzaren aldeko manifestaziora deitu dute Baionan

Estatus bat gure lurraldearentzat, estatus bat gure hizkuntzarentzat lelopean deitu dute manifestazioa urriaren 24rako Ipar Euskal Herrian. Batera Plataformak eta Euskal Konfederazioak antolatu dute mobilizazioa.


2015-09-15 | Mikel Asurmendi
Herri Elkargoa
Garapen Kontseiluak Herriarteko Elkargoa sortzearen alde ebatzi du

Garapen Kontseiluak Herri Elkargoa sortzearen aldeko deliberazioa hartu du. Irail honen 10ean, Zuzendaritza Batzordearen bilkura kari, gizarte zibila mugiarazteko ekimena bideratzea erabaki zuen.


2015-07-23 | Iratzar Fundazioa
Lurraldetasunaren korapiloak
MULTIMEDIA - solasaldia

Euskal Herriko lurraldetasunaren auziari buruzko mahai ingurua. Floren Aoiz Iratzar Fundazioko zuzendaria, Eneritz Zabaleta soziologoa eta Imanol Esnaola Gaindegiako koordinatzailea bildu zituen Iratzar Fundazioak Iruñeako Katakrak liburudendako aretoan.


2015-07-17 | Mikel Asurmendi
Herri Elkargoaren aldeko pedagogia lana abian jarri du Baterak

Batera plataformako bozeramailea elkarrizketatu dugu. Ipar Euskal Herrirako berezko instituzioaren xedea hizpide harturik, Herri Elkargoaren aukeraz mintzatu zaigu Nikolas Blain makearra.