Espainiatik datoz Basauriko eta Itsasoko herri-kontsultei jarritako eragozpenak

  • Espainiako Estatuaren abokatuak Basaurin egingo den herri-kontsulta geldiarazteko eskatu du, “estatuaren konpetentziak urratzen” dituela argudiatuta. Bestalde, epaitegiek bertan behera utzi dute Carlos Urquijo Espainiako Estatuko EAEko ordezkariak Itsasoko kontsultari jarritako helegitea.

Sara Arruabarrena Azkarate @s8ara
2016ko irailaren 16a
Pozokoetxe-Bidebieta-San Fausto eremuan herri-kontsulta egingo dute Basaurin, trenbide guneaz erabakitzeko. (Argazkia: Basauriko Udala)

Pozokoetxe-Bidebieta-San Fausto eremuan herri-kontsulta egingo dute Basaurin, trenbide guneaz erabakitzeko. Espainiako Estatuko abokatuak galdeketa bertan behera uzteko eskatu du, auzia Adif Trenbide Azpiegitura Administratzailearen eta Espainiako Sustapen Ministerioaren esku dagoela iritzita.

Andoni Busquet Basauriko alkateak azaldu du “inpugnazio honen irizpideak politikoak” direla, “ez juridikoak”. Irailaren 16an helegitea aurkeztuko dutela iragarri du. Udal Legearen babesa dute Basaurin: galdeketak egiteko aukera ematen die udalei, betiere “galdeketaren gaia, udalerriaren ekimeneko politika publiko, erabaki edo kontuetara” mugatzen bada.

Herri-galdeketak bere horretan jarraituko duela azaldu du Busquetek, epaitegiek auzian erabaki arte. Basauriarrei galdeketan parte hartzera dei egin die alkateak, “Espainiako Sustapen Ministerioa eta Adif estutzeko”.

Ezkio-Itsasoren desanexio prozesua

Carlos Urquijok helegitea aurkeztu zuen irailaren 12an Itsasoko (Gipuzkoa) herri-galdeketa bertan behera uzteko. Donostiako epaitegi batek baztertu egin du Urquijoren eskaria, Gipuzkoako Foru Aldundiak legezko prozedura jarraitu duela argudiatu ostean.

Imanol Lasa Aldundiko bozeramaileak azaldu du “oso albiste ona” dela, “epaitegiaren erabakiak kontsultak berme demokratiko eta legezko bermeak dituela adierazten” duelako.

Irailaren 18an izango da galdeketa Itsason eta herritarrek “Nahi al duzu Itsaso berriro udalerri izatea?” galderari erantzungo diote. Martxoan Udalak aho batez onartu zuen desanexioa eta herri kontsultak erabakia berrestea du helburu.

 

Kanal hauetan artxibatua: Euskal Herria  |  Barakaldo

Euskal Herria kanaletik interesatuko zaizu...
2017-10-16 | Hala Bedi
"Kataluniakoa da 78ko erregimenak izan duen krisirik sakonena, eta indar hori ekarri nahi dugu"

Urriaren 12an aurkeztu zen #Agur78 ekimena, 1978an Espainian ezarritako eredu politikoarekiko haustura aldarrikatzeko. Katalunian ikus daiteke, egun, erregimen zahar horren arrakalarik handiena, eta Euskal Herrian ere horren antzeko mugimendua sortzea dute helburutzat ekimeneko kideek.


2017-10-16 | Gure Esku Dago
Gu beti Kataluniarekin
MULTIMEDIA - bideo herrikoia

Erabakitzeko eskubidearen aldeko plataformak Kataluniako prozesua babesteko bideoa sareratu du Bilbon egindako mobilizazioen irudiekin.


2017-10-16 | Hala Bedi
Gasteizko okupazio mugimenduaren urrats berria, Judimendi auzoko bloke bat okupatu dute

Bizilagunekin lehenengo harremanak izan dituzte gazteek eta astearterako otordu bat iragarri dute. Azken okupazio honekin, zortzi dira Gasteizko gune okupatuak.


2017-10-16 | Kepa Matxain
Tokatzen dena egin

Urriaren 14an Tolosako Beotibar pilotalekuan jokatu zen Bertsolari Txapelketa Nagusiko azken final laurdenaren kronika. Sailkapena: Etxahun Lekue (673 puntu), Maddalen Arzallus (670), Jon Maia (662,5), Beñat Lizaso (646,5), Xabat Galletebeitia (636) eta Eneko Lazkoz (607).


Komunitate oso batek bultzatutako kazetaritza independentea

Ospatu dugu Gasteizen Argia Eguna. Kataluniako anabasa guztiaren erdian, buruak ekarri ditugu gurera, eta laugarren urtez Argia Jendearekin gozatzeko aukera izan dugu Arabako hiriburuan.


2017-10-15 | Garazi Zabaleta
Kaleetako zuhaitzen hostoak, konposterako elikagai

Konposta egiten dutenek ikasiak izanen dituzte dagoeneko emaitza egokiak lortzeko oinarrizko arauak. “Materia hezea eta lehorra bolumen berdinean nahastu”, dio konposta nola egin azaltzen duen gidak oinarrizko arauetako batean. Materia lehor horien artean daude, besteak beste, udazken aldean zuhaitzak botatzen eta gure kaleak betetzen dituzten hostoak. Euskal Herriko zenbait herritan hasiak dira dagoeneko kaleetan bildutako hostoak aprobetxatzen eta herritarrei beren konpostera... [+]


2017-10-15 | Jabi Zabala
"Piratak itsasoan ibiltzen ziren antzina, gaur egun lehorrean geratzen dira"

Armintzan (Lemoiz, Bizkaia) 1945ean sortua, Juan Luis Olaran Sustatxa arrantzale, itsas gizon eta sukaldari izana da idazle baino lehen. Azkenaldion, erretiroa hartuta, hiru liburu idatzi ditu, tartean zentral nuklearraren inguruko El contubernio nuclear, Lemoiz, eta Izarra ontziaren afera kontatzen duen Izarra baltza, historia de un barco pirata aurkeztu berria. Afera biak bertatik bertara bizitzea tokatu zitzaion armintzarrari.


2017-10-13 | ARGIA
Ibon Iparragirreren bizitza kinka larrian dagoela salatu dute

Preso ondarrutarrari egin dizkioten azken analisietan 20 defentsa baino ez dituela, eta beraz, hilzorian dagoela salatu du Iparra Galdu Baik plataformak. Presoak beste pneumonia bat harrapatuz gero hil egingo dela esan du forenseak, Lea Artibaiko Hitzak zabaldu duenez.


Galtza luzeak jazteagatik 10 pezetako isuna

Baserritik galtza luzeekin jaitsi eta isunarekin itzuli zela etxera kontatu du Arantxa Arregi azkoitiarrak (Azkoitia, 1935) Maxixatzen aldizkarian. Arantxa Arregi eta Antonia Aldalur galtzak eta txapela jantzita irten ziren enkargutara, baina dendatik irtenda udaltzainak gelditu eta isuna jarri zien galtza luzeak eramategatik. Honela zioen isuneko faltak: "ir vestido de chico por las calles, el día 16 del actual". Arregik harro kontatzen du herrian galtza luzeak jantzi zituen... [+]


"Altsasuko istilua ezin dela terrorismotzat jo frogatuko dugu epaiketan"

Urtebete joan da Altsasun parranda giroan istiluak izan zirenetik. Oraindik ez dute epaiketa datarik baina, laster etorri daitekeela esan du Izkok, Altsasuko gazte batzuen defentsa abokatuak. Hamaika gazte daude auzi honetan epaiketaren zain eta hiruk espetxean segitzen dute.


Azkenak
EGILEA
Eguneraketa berriak daude