Dominikar Errepublikako 'Mitxeletak' talde ekintzaileko azken ahizpa hil da
Patria Mirabal, Minerva Mirabal eta María Teresa Mirabal ahizpak Dominikar Errepublikako Rafael Leónidas Trujilloren diktaduraren aurka borroka egiteagatik bahitu eta jipoituta hil zituzten militarrek. Haien heriotza diktaduraren gainbehera ekarri zuen. 1999az geroztik, Nazio Batuen Erakundeak hala erabakita, haien oroimenez urtero, azaroaren 25ean Emakumeen Aurkako Indarkeriaren Kontrako Nazioarteko Eguna ospatzen da. Igandean Mirabal familian bizirik geratu zen alaba bakarra hil zen, haren hiru ahizpen memoria eta borroka zabaltzen aritutako Bélgica Adela Mirabal.
Belgica Adelak ez zuen bere ahizpen moduko lan aktiboa egin diktaduraren aurka. Haiek hilketak bizitza aldatu zion, ordea. Ahizpen 6 seme-alaben kargu geratzeaz gain, "Las mariposas" (Mitxeletak) bezala ezagunagoak zirenen lana eta memoria zabaltzeari ekin zion. Besteak beste "Vivas en su Jardin" memoria liburua idatzi zuen.
Maribal ahizpen heriotza eta diktaduraren amaiera
1960ko azaroaren 25eko gauean Minerva, Maria Teresa eta Patricia, espetxean ziren senarrak bisitatu ondoren, etxerako bidean, militarrek bahitu zituzten. Kotxean ziren hiru ahizpak eta Rufino de la Cruz txoferra -familia dirudun batean hazitakoak baitziren- ezkutuko etxe batera eraman zituzten. Militarrek laurak jipoitu zituzten hil arte. Ondoren gorpuak kotxe barruan sartu eta amildegi batetik behera bota zuten, trafiko istripu bat simulatzeko asmoz. Inork ez zuen bertsio ofiziala sinetsi. Hilketak hauen oihartzunak, Dominikar Errepublikan zein nazioartean, 31 urtez luzatu zen Trujilloren diktadura odoltsuaren amaieraren hasiera ekarri zuen. Ahizpak hil eta 6 hilabetera diktaduraren aurkako ekitzaile talde batek tiroz hil zuen diktadorea. Ekintza armatu honek AEBetako CIAren laguntza izan zuen, Maribal ahizpen hilketaren ostean herrialdean sortutako giroak ezkerreko iraultza baten balizko etorrera geldiarazteko. Maribal ahizpen moduko 50.000 lagunen tortura eta hilketa kasuak gertatu ziren Trujilloren menpeko Dominikar Errepublikan.
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.