Espainiako Gobernuak Hidrokarburoen Lege berrirako proiektua aurkeztu du Madrilgo Diputatuen Kongresuan. Proposatutako aldaketen artean hidrokarburoak ustiatzen dutenek ordaindu beharreko zerga bat dago; ustiatze horrek etekinak gizarte osoaren probetxurako izatea da helburua, Energia Ministerioaren esanetan.
Aipatutako zergaren bidez lortutako diruaren zati bat ustiategien gainean lurrak dituztenentzat izango da, lege proiektuaren arabera; urteroko ekoizpenaren %1 poltsikoratzeko aukera izango lukete. Autonomia erkidegoek eta udalek ere eramango dute beren zatia.
Ekologistak Martxanek uste du neurriaren xedea gizartea “erostea” dela, frackingaren aurkako jarrera gero eta zabalagoa den honetan. Antzera mintzatu zen Izquierda Pluraleko Laia Ortiz, Kongresuko eztabaidan.
Funtsean, proposatutako zerga dagoeneko enpresek ordaintzen duten kanonaren gaurkotzea izango da. Bildutako diruaren zati bat lurjabeei banatzea da legeak dakarren berritasunik handiena.
Frackinga bultzatzeko asmoa salatu dute
Aurkeztutako osoko hiru zuzenketak (PSOE, Izquierda Plural eta talde mistoa, Amaiur barne) ezetsiak izan ziren, PP, EAJ, UPN eta Foro Asturiasen botoekin. Lege proiektuaren aurka agertu ziren taldeek salatu zuten batik bat frackinga bultzatzea dela gobernuaren asmoa.
Talde mistoaren izenean, “zenbait interes espekulatibo pribaturi” mesede egin nahi izatea leporatu zion gobernuari BNGko Rosana Pérezek. PSOEk, berriz, eskatu zuen haustura hidraulikoa erabiltzeko baimen guztiak bertan behera uzteko, ingurumenerako arriskurik ez dagoela erabateko ziurtasunez frogatzen ez den bitartean.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]