Black power britainiarra


Gorka Bereziartua Mitxelena @boligorria
2017ko abuztuaren 10a

Guerrilla beroegia ote BBCk maneiatzeko?” galdetu zuten The Telegraph egunkarian telesailaren lehen kapitulua estreinatu ondoren, pena agertuz ekoizpen honek ez duelako iristerik izan Erresuma Batuko kate publikoaren audientzia zabalera, eta Sky-n estreinatzearekin “konformatu” behar izan duen –Game of thrones emititu duen katea da nolanahi–. Beroegia? Ea: 1971ko Immigrazio Lege berriak Britainia Handiko beltzen kontra gogor jo zuen garaian girotua, Guerrillaren lehen kapitulutik protagonistak ikusiko ditugu pasatzen protesta baketsutik armak hartzera, identitate nazionala auzitan jartzen duten dialogoz lagunduta –“beltza eta britainiarra zarenean beti ari zara borrokan benetan nor zaren ulertzeko. Herritarra ala bisitaria?”, dio kartzelan dagoen pertsonaietako batek–. Ez dira iraganean gainditutako kontuak, akaso horrek bihurtzen du patata bero bat programatzaileentzat. Merezi duten sei kapitulu dira: bila ezazue Torrent on bat.

FITXA

Guerrilla
Zuzendariak: John Ridley, Sam Miller
6 kapitulu, 360 minutu

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Udako kultur gomendioak 2017 kanaletik interesatuko zaizu...
2017-08-04 | Axier Lopez
Historia ofizialetik kanpo

Desobedientzia zibil ez-biolentoa aipatuz gero, Mahatma Gandhi aurkeztuko digute ikur nagusitzat, Indiako kolonialismo gerrazale ingelesaren parte eta sustatzaile, Mussoliniren aldeko edo orduko Etiopia eta Abisiniako sarraskien justifikatzaile aritu bazen ere.


Eguneraketa berriak daude