Arafati autopsia egiteko prozesua hasi du Suitzako forentse talde batek

  • Martxan da Jassir Arafat buruzagi palestinarraren autopsia egiteko prozesua. Atzo Suitzako forentse talde bat izan zen Palestinako liderraren mausoleoan errekonozimendu bisita egiten. Rafiq Tirawik, Arafaten heriotza ikertzeko batzordeko kideak esan duenez, autopsia egiteko hedabideak ahalik eta urrunen edukitzen saiatuko dira. Oraindik ez dute zehaztu noiz hasiko diren autopsia egiten.


2012ko azaroaren 06an - 00:00
Azken eguneraketa: 2015-02-26 13:37:33
Arafaten hilobia zaintzen bi soldadu.

Arafat duela zortzi urte hil zen Frantziako erietxe militar batean. Garai hartako medikuen txostenek ez zuten heriotzaren kausa nagusia zein zen esan eta horrek Arafat pozoituta hil zela pentsatzera eraman zituen palestinarrak. Israelek zerikusirik ez duela izan esan du beti.

Joan den uztailean Al Jazeera kateak egindako ikerketa batek, Arafaten barruko arropak aztertu zituen. Arafat pozoituta hil zela argitaratu zuten. Aditu suitzarrek polonio erradioaktiboa topatu zuten buruzagi palestinarraren jantzietan.

Ondoren, gorpua lurpetik atera zuten, Arafaten emaztearen hasierako desadostasuna gaindituta. Aurtengo udan Suha Arafatek berak eraman zuen kasua Frantziako auzitegietara, hilketa izan zela salatuz.

Aditu suitzarrekin batera ikerlari frantziarrak ere arituko dira autopsia egiten. Arafaten heriotzaren zergatiak jakiteak ikusmin handia sortu du, oraindik palestinarren sinbolo garrantzitsuena izaten jarraitzen baitu.


Irakurrienak
Matomo erabiliz
Azoka
Kanal honetatik interesatuko zaizu: Yasser Arafat
2016-03-15 | Axier Lopez
Palestinako Agintearen estrategia Israelen okupazioa iraunarazteko

Zisjordanian eta Gazan nolabaiteko gobernu autonomoaren funtzioak betetzeko asmoz jaio zen Palestinar Aginte Nazionala. Horrela jasota dago Osloko akordioetan, baina errealitatea guztiz bestelakoa da.


2014-12-22 | Axier Lopez
20 urtez negoziatzen palestinarrak okupatuta mantentzeko

Azken bi hamarkadetan, nazioarteko bitartekaritza medio, bake negoziaketa ugari abiatu dituzte Palestinako Aginte Nazionalaren eta Israelgo Gobernuaren artean. Gaur arteko emaitza bakarra izan da: Israelen okupazioa betikotzea


2014-10-16 | Martxelo Diaz
Lider baten kontraesanak

Iasser Arafaten argazkia, bere zapiarekin, Palestina askatzeko borrokaren irudia izan zen urtetan. 1974an Nazio Batuen Asanblada Nagusian egin zuen hitzaldiak aldarrikapen hau munduko txoko guztietara eraman zuen. Esku batean pistola zuen, bestean olibondo adaxka bat.


2013-11-07 | ARGIA
Baieztatuta: Arafat pozoituta hil zuten

Yasser Arafat buruzagi palestinarra polonioz pozoituta hil zen haren gorpua aztertu duen forentse talde batek jakitera eman duenez.


Arafat pozoituta hil zutela diote gorpuaren azterketaren lehen frogek

Yasser Arafat pozoituta hil zutela pentsatzeko arrazoiak hazi egin dira The Lancet aldizkari medikoak argitaratutako artikulu baten ondorioz.


Eguneraketa berriak daude