Araba Euskarazek milaka lagun elkartu ditu Bastidan

  • Bero handiarekin, baina giro apartan, ospatu dute Arabako ikastolen jaia, Bastidan. 30 gradutik gorako tenperaturak ez dira oztopo izan, eta  milaka lagun hurbildu dira gaurkoan Bastidara, Arabako ikastolen jaia ospatzeko.

Arabako Alea @ArabakoALEA
2017ko ekainaren 19a
Bastidan ospatu zen Araba Euskaraz igandean. (Arg.: Arabako alea)

Wow lelopean, Bastida ikastolak ekintzez beteriko egitaraua prestatu du, eta horrekin batera, 1,5 kilometroko ibilbide laburra, laua eta erraza. Hala, bisitariak gune batetik bestera erraz mugitu ahal izan dira. Ibilbide horretan, hiru gune egokituko dituzte: nagusiena, Esnebidea izenekoa, Andromeda eta Prometheus. Bertan, umeentzako zein helduentzatko jarduerak izan dira, musika eta giro aparta lagun. 

Goizeko 10:00etan hasiera eman diote ospakizunari, Bastida ikastolako arduradunek eta erakundeetako zein alderdietako zenbait ordezkarik, tartean, Cristina Uriarte hezkuntza sailburuak eta Ramiro Gonzalez ahaldun nagusiak. Ondoren, ibilbideari buelta eman diote. 

Geroago, aurtengo omenduen txanda heldu da. Bastida ikastolak ikasle ohiei omenaldia eskaini diebereziki zientzia eta teknologiaren bidea hautatu dutenei. Ikasle horien guztien ordezkari gisa hiru lagun aukeratu dituzte: Jesus Garcia, Ruben Egiluz eta Maria Ruiz. Era berean, datorren urtean Araba Euskaraz hartuko duen ikastolari lekukoa pasa diote; Argantzun ikastolari, hain zuzen ere.

 

 

 

Albiste hau E. Anda eta S. Fdez de Arangizek idatzi dute Arabako Alean, eta CC by-sa lizentzia baliatuta ekarri dugu ARGIAra

 

Kanal hauetan artxibatua: Araba Euskaraz  |  Euskara  |  Araba

Araba Euskaraz kanaletik interesatuko zaizu...
2018-06-18 | Nahia Ibarzabal
Araba Euskaraz jendetsua Argantzonen

Araba Euskaraz jaialdiaren 38. edizioa antolatzearen arduraduna Argantzon ikastola da eta Irrikitan  izan da aurtengo leloa. Garrantzi berezia eman diote Trebiñun euskara ikasteari.


2018-06-10 | Be˝at Garaio
Argantzon Ikastola ez da ohiko ikastola

Ekainaren 17an izango da “Irrikitan” izenburupean Araba Euskaraz Trebiñu barrendegian. Hirugarren aldiz antolatuko du Argantzon Ikastolak Araba Euskaraz. Adabakia deitzen diote trebiñuar askok beren konderriari, administratiboki Burgos baita, eta geografikoki Araban dago. Horregatik, Argantzon Ikastola ez da ohikoa.


2017-11-29 | Arabako Alea
Araba Euskaraz baliatuko dute Argantzun Ikastolan lehen hezkuntza bultzatzeko

Ekainaren 17an ospatuko dute Araba Euskaraz Argantzunen. Bertako ikastolak Manzanosen duen Lehen Hezkuntzako eraikina ordaintzen laguntzeko baliatuko dute jaia.


"Erabilera da erronka, ezagutza eta motibazioa ahaztu gabe"

Bereziki ezagutza altua den taldeetan erabilera indartzea da helburu nagusia, Leire Sueskun Arabako Errioxako euskara teknikariaren arabera; esparru desberdinetara heltzeko, "baliabide gehiago" eskatu ditu.


Araba Euskaraz Bastidan
1978 hartan, apaizaren babesean, ikastola abiatzeko ume bila

Wow!, lelopean, Bastidan dugu aurten Araba Euskaraz, ekainaren 18an. Bastidan, beste behin, lehen ere lau aldiz hartu baitu herriak Arabako ikastolen jai nagusia. Hamar gela, hamahiru irakasle eta 165 ikasle dira gaur egunean Bastida Ikastolan eta, beharbada, errealitate hauxe zuten amets 1979an ikastolaren asmoari ekin zioten aitzindariek. Gela bat, andereño bat eta zazpi ikasle izan ziren orduan. Eragilea, berriz, Bastidaz kanpotik etorri zen Ikastolen Federazioaren izenean: Jose Mari... [+]


2017ko Araba Euskarazen bideoklipa
MULTIMEDIA - bideo herrikoia

Betagarri taldeko Iñaki Ortiz de Villalbak eta Hesian taldeko Zuriñe Hidalgok jarri diote ahotsa aurtengo kantari, Bastida ikastolako haurrekin batera. Ekainaren 18an Bastidan ospatuko da Arabako ikastolen jaia.


Geroari begira - Araba Euskaraz 2016
MULTIMEDIA - bideo herrikoia

Ekainaren 19an egingo dute Arabako ikastolen aldeko festa. Aurtengoa Agurainen izango da Lautada Ikastolaren eskutik.


2015-06-07 | Amaia Ugalde
San Bizente ikastola
Irakasle eta ikasleak notarik gabe elkarrekin ebaluatzen

Ohiko azterketen eta noten ordez, irakasle eta ikasleak elkarrekin ebaluatzen ikasten ari dira San Bizenten, aurtengo Araba Euskaraz antolatu duen Oiongo ikastolan. Ikasleak ardurak hartzen ari dira ikaskuntza prozesuan, eta irakasleek norabide berean egiten dute arraun.


2014-06-16 | ARGIA
Euskal hezkuntzaren alde elkarrekin lan egiteko eskatu du Urkulluk Araba Euskarazen

Milaka lagun gerturatu ziren igandean Lapuebla de Labarcara, Assa ikastolak antolaturiko Araba Euskaraz jaian parte hartzera. Arabako Errioxako ikastola honek euskararen alde egindako lana goraipatu zuen Iñigo Urkullu Eusko Jaurlaritzako lehendakariak.


Assa ikastola
Elkarkidetza, denon artean ikasiz

Aurtengo Araba Euskaraz antolatzeaz arduratu den Assa ikastolan (Lapuebla de Labarca), duela hiru urte hasi ziren elkarkidetza lantzen. Helburua da haurrek elkarrekin ikastea eta ikasgaiak, arauak, autonomia, ebaluazioa… elkarrekin lantzea.


Azkenak
EGILEA
Eguneraketa berriak daude