Abartzuzan hegalak astinduko dituzte euskararen alde
Euskararen Eguna ospatuko dute Abartzuza herrian maiatzaren 30ean, larunbatez. Jai egitarau interesgarria eta aldarrikapen andana iragarri ditu Irriherri elkarteak.
Iragan martxoan, Nafarroako Gobernuak hiru puntu zeramatzan gutun hau igorri zion Abartzuzako Eskola Publikoari:
– De acuerdo con lo dispuesto en la Ley Foral 18/1986 de 15 de diciembre, del vascuence, la localidad de Abárzuza pertenece a la denominada Zona Mixta.
– Por tanto le son de aplicación las regulaciones que sobre la enseñanza en y del vascuence en la zona mixta figuran en el desarrollo de dicha Ley, el Decreto Foral.
– En consecuencia, no se alcanza el nº mínimo de alumnos establecido en la normativa.
Apirilean, Nafarroako Gobernuko Hezkuntza batzordeak eskola bisitatu zuen. Irriherri elkarteak herritarrak deitu zituen euskararen eta euskarazko eskolaren aldarrikapenen alde borrokatzera. Gobernuaren ordezkariak kartelen eta pankarten artean hartuak izan ziren.
Irriherri elkartea, Irantzu Mankomunitateko udalak diren Abartzuzako, Lezaungo, Oteitzako, Jaitzeko, Villatuertako, Gesalazko Ibarra eta Deierriko euskaldun eta euskaltzaleek osatzen dute.
Joan den igandean, Sortzenek euskal eskola publiko berriaren aldeko festa ospatu zuen Sarriguren herrian hogeigarrenez. Eskola publikoan ari diren ikasle, irakasle eta langileen baldintza duinak aldarrikatzen dituzte tokian tokiko nafarrek.
Maiatzaren 30ean, larunbatarekin, Euskararen Eguna ospatuko dute Abartzuzan. Jai egitarau interesgarria eta aldarrikapen andana iragarri dute. Festa egunaren ilunabarrean musika kontzertua izanen da Irrikan, DJ Raizti eta Hesian taldeekin. Hesian taldeak Hegalak astinduz seigarren diskoa plazaratu zuen iragan neguan, arrakasta handiz.
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]
EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]
Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]
Ikasturte hasieran salatu bezala, Hezkuntza Lege Aurreproiektuak euskal eskola publikoa sendotu ordez ahuldu egiten duela adierazi du Euskal Eskola Publikoaz Harro Topaguneak. Haien ustez, publiko-pribatu sistema duala betikotzen du, ez du eskola publikoa lehenesten, ikastetxeak... [+]