Astelehenean, goizeko 10etan, Alderdi Ederretik (Donostiako udaletxearen aurrean) Pentsiodunen I Bizikleta Martxa abiatuko da 13 etapatan zehar Euskal Herria zeharkatzeko, Gipuzkoa, Bizkaia, Araba, Nafarroa eta Lapurdin zehar eta hilaren 25ean Donostian amaituz.

Dena antolatuta dago pentsiodun talde askoren lan gogor eta eredugarriarekin, probintzia bakoitzeko hiriburu eta herrietan, Euskal Herriko Pentsiodunen Mugimenduak zutik jarritako Euskal Herriko talde batek koordinatuta.

Zalantzarik gabe, arrakastatsua izango da, hiri eta herrietako pertsona eta gizarte-talde ugarik lagundu eta babestuko dute. Garrantzi handiko ekitaldi soziala izango da, eta euskal gizartearen aurrean honako premia hau erakutsiko du: pentsio publiko duinak defendatzea, 1.080 euroko gutxieneko pentsioa eskatuz. Gero eta handiagoa den pribatizazioaren aurrean zerbitzu publikoen garrantzia eta eskakizuna agerian jartzea. Arreta, zaintza eta etxeko lanak emakumeek eta gizonek partekatuko dituzten gizarte baterantz aurrera egitea.

Aste honetan Zarautzen, Elorrion, Mungian, Barakaldon eta Laudion bazkalduko da, eta afaria Azpeitian, Ondarroan, Plentzian, Bilbon eta Amurrion izango da. Bazkaltzeko ordutegia 13:30-14:00 ingurua izango da, eta afariak 20:00-20:30 tartean.

The post Pentsiodunen I. Bizikleta Martxa astelehenean hasi da Donostiatik appeared first on Steilas.