Afiliazioa sendotzeko zerumuga berrien bilaketan, sindikatuen joera da sektore feminizatuak, migratzaileak eta beste arraza eta etnia batzuetako pertsonak antolatzea. Hau da, bazterketarekin eta lana eta familia-bizitza uztartzearekin loturiko gaiak hartu dituzte sindikatuek ardatz argi eta esplizitu, eta negoziazio kolektiborako erronka berriak identifikatu dituzte. Hala, soldata duinak, lan-arloko segurtasuna eta osasun- aseguruak eta erretiroak ezartzeaz gain, bestelako aldarrikapen eta hobekuntza batzuk ere eskatzen dituzte: ordutegien malgutasunarekin loturikoak, adineko pertsonen zaintza, haurren zaintza, familia-lizentziak eta lanaldi partziala eta horren onurak sustatzea, besteak beste.