Azaroan ELAren 15. Kongresua izango da eta sindikatua ponentzia eztabaidatzen ari da. Testu programatiko honetan, beste hainbat gairekin batera -prekaritatea, ordezkaritza ahula duten eremuen sindikalizazioa, kultura militantearen berrikuntza edota klima aldaketa- auzi nazionalak garrantzia berezia izango du; izan ere, lehenengoz, eta Kongresuak egoki baderitzo, ELAk estatu independente baten, errepublika baten aldeko adierazpena egingo du.