Lehenengo dantza 2021eko ekainaren 11n izan zen. Guggenheim Museoko garbiketa zerbitzuko 18 langileen lehen greba eguna zen. Hiru ziren bere aldarrikapen nagusiak: lan-baldintzak hobetuko zituen hitzarmen bat lortzea, soldata-arrakala ezabatzea balio bereko lanak egiten dituzten kolektibo maskulinizatuekiko eta kontratu partzialekin amaitzea. Langile horiek nazkatuta egoteko arrazoi nahikoa zuten, eta indar hori guztia dantza ikur izango zuen greba batera bideratzea erabaki zuten.