Enpresa-batzordeak deituta, kontzentrazioa egin dute gaur Barakaldon, bertako Udaleko enplegu zentro berezia den USOAko langileek. “Prekarietateak hil egiten du, lan istripurik ez” lema zeukan pankartaren atzean salatu dute, astelehenean, abuztuaren 17an, bertako langile bat hil zen lan-istripu ez traumatiko batean. Horrela, 46 dira gutxienez urte hasieratik Euskal Herrian lanean hildakoak, eta Joaquin Beltranek desagertuta jarraitzen du Zaldibarreko zabortegian otsailaren 6tik.