Gizon eta emakumeen soldata berdintasunaren aldeko eguna da otsailaren 22a. Bezperan, mintegia egin dugu Gasteizko Aldabe Gizarte Etxean, 100 pertsona ingururen presentziarekin. Hala, soldata-arrakalari aurre egiteko neurriak eta honetarako martxan jarriko ditugun ekimenen berri eman dugu bertan. Hain zuzen ere, lan guztiak modu kolektiboan eta ekitatiboan aitortzeko, berrantolatzeko eta banatzeko beharraz aritu gara; zaintza lanak, tartean.