Atzo, martxoaren 26an, LAB sindikatuak Nafarroako zahar egoitza pribatuen sektorean programatuak zituen hiru lanuzteetako azkena egin zuen; gainera, kontzentrazioa egin zuen Iruñeko Foruen Plazan, Misericordia Etxeko zahar etxearen aitzinean. LABek badaki mobilizazio-dinamika horrek deseroso jartzen dituela bai patronala bai Nafarroako Gobernua, eta, beraz, harekin jarraituko du, Nafarroako zahar egoitzen lehenbiziko hitzarmena egia bihurtu arte. Ildo horretan, bertze hiru lanuzte deitu ditu apirilerako.