Goizean goizetik ekin diete protestei, gaur, Bizkaiko Etxez Etxeko Laguntza Zerbitzuko langileek. 7:30ean abiatu dute manifestazioa, eta Bizkaiko Foru Aldundiaren aurrean egindako elkarretaratzearekin amaitu dute mobilizazioa. Atzo bezala, gaurkoan ere greba egin dute, eta lanuzteak maiatzean ere errepikatuko dituzte, orotara, zazpi greba egun deituta baitituzte, enplegua eta kalitatezko zerbitzuaren defentsan.