Akordioak modu esanguratsuan hobetzen du metalgintzako hitzarmena eta martxoan hasitako greba bertan behera uztea dakar. Lortutakoen artean daude sektoreko hitzarmenaren gainetik dauden eta KPI bermatzen duten soldata igoerak, eta hobekuntzak bajen osagarrietan, kategorietan, antzinatasunean, ordaindutako baimenetan eta telelanean. Gainera, erretiro partzialak bermatzea ere lortu da, besteak beste.