LAB, ELA, UGT eta USO sindikatuok agerraldia egin dugu Bizkaiko Etxez Etxeko Laguntza Zerbitzuan egingo ditugun mobilizazioen berri emateko; astebeteko grebaz gain, larunbatean, maiatzak 11, Bilbon egingo dugun manifestazioa (11:30, plaza Eliptikoa) eta datorren asterako iragarritako Prekarietatearen Aurkako Martxa, tartean. 2015. urteaz geroztik dago hitzarmena berritu gabe, eta, negoziazioan aurrera pausoak ematen ez diren heinean, mobilizazioan jarraitzeko konpromisoa berretsi dugu.