2023-06-06 08:41
Memoria elkarrizketa saio berria egingo dugu ASTRA Gernikan. Oraingo honetan Usurbil 1936 elkartekoek beraien lanaren berri emango digute. Oso interesgarria da egiten dauden lana. Hemen dago informazio guztia jasoa: https://usurbil1936.eus/
Haien egitekotik ikasi, espazio kolektiboak sortu, gogoeta bateratuak egin….memoria kolektiborako lanabesarako saioa. Gainera, Estepan Urkiaga Lauaxetaren erailketaren 86.urteurrenaren testuingurua baliatuko dugu (Gernikako bonbardaketaren ondorengo egunetan atxilotua izan zen, Gernikan bertan; eta, ondoren, ekainaren 25ean Gasteizen afusilatua).
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute.
1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa
