2024-02-27 10:19
Martxoaren 16an Ibilaldia egingo dugu: Guggenheim-aren hedapen saiakeraren nondik norakoak ezagutuko ditugu Guggenheim Urdaibai STOP plataformarekin batera. Haiek emango digute, bertatik bertara, egun dugun informazioaren berri.
Goizeko 10tan abiatuko gara Dalia lantegitik (Gernika-Lumo), eta Muruetaraino joango gara. 3 orduko txango aurre-ikuspena da, eta dohainik bada ere, eskertuko genizueke baldin eta gurekin harremanetan jarriko bazinateke aurrez, zenbateko taldea sortuko dugun jakiteko, eta hobeto antolatzeko, horrela.
Udaberria gertu egongo da martxoaren 16an… ez dezagun utzi Urdaibaiko udaberria zapuzten!
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute.
1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa
