2025-02-28 10:59
Atzo, otsailak 27, Ipes elkarteak mahai-ingurua antolatu zuen ASTRA Gernikan. Urdaibai, eta Busturialdeko etorkizuna eztabaidagai dagoen honetan, trantsizio eko-sozial justu baterantz gogoeta kolektiboa egiteko.
Egun dauden ikuskera, langintza eta egitasmoen bitartez eztabaida eta hausnarketa bateratua eraikitzeko espazioen beharra dugu, eta, ekarpena egin nahian, Ritxi Hernandez Gune eko-sozialistako kidea, Amets Ladislao Etxalde eta EHNE Bizkaiko kidea, eta Gorka Barba “Goru” BaSOS-eko kidea hizlari izan genituen, Leiore Moreno gazte mugimenduko kidearen gidaritzapean.
Horrezaz gain, Alex Jauzi Eko-sozialeko kideak datorren martxoaren 28 eta 29an Arrasaten egingo diren II.Eko-topaketen aurkezpena egin zigun bertaratutako ia 40 lagunoi.
Eskerrik asko partaideei, oso interesgarria izan zelako, eta baita bertaratu zineten guztioi.
Entzun gaitzatela!
The post Busturialdean naturarekin orekan bizi gara? bizi gaitezke? mahai-ingurua appeared first on IPES.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute.
1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa
