Urriak Euskal Herrian amaiera eta aldi berean hasiera esan nahi du. Nolatan? Bada urriarekin udazkena datorrelako. Baserritarren ahotan “udaitzena” zen. Hau da, udararen azkena. Hortik amaierarena. Baina bestetik neguaren ataria adierazten digu, beraz aldi berean hasiera ere bai. Eta amaiera edo hasiera hau, baserritarrek gogotik lan egin beharreko garaia izaten zen. Batez ere negura begira adi ibili beharreko garaia baita udazkena, ganbarak betetzen hasteko garaia baita. Hasiera honetan batetik baratzeari dagokionean udarako azken uztak jasotzen jarraituko dugu eta negura begirako zenbait landaketa egin edota lurra zaintzeko hainbat jarduera egin daitezke.