Xirula Mirulak antolatzen duen XII Gitarra Ikastaro hau musika tresna honetaz deus jakin gabe gitarraren laguntzaz kantuan jarduteko gogoa dutenei zuzendua dago. Hutsetik hasten da eta solfeoa ez da arazo. Praktikan oinarritzen da ikastaroa: gitarran eta kantuan.

Aurreko ikastaroetan ehundik gora kanta landu dituzte, eskola girokoak dira asko, herrikoiak eta gaur egungoak gainerakoak.

Saioak asteartetan izango dira, 19:00 eta 20:30k bitartean.

Urriaren 20an izango da lehen klasea eta maiatza bukaeran amaituko da ikastaroa.

250 €takoa izango da aurten ere matrikula eta ikastaroa martxan jarri ondoren egin ohi da ordainketa. Gitarra ezik beste material guztia sartzen da prezioan.

Segurtasun eta osasun neurriak hartuko dira eta ondorioz, zortzi lagun inguruko taldea izango da aurtengoa.

Gitarra jotzen ikasteko interesa baduzu deitu telefonoz (943-46 35 55, 17:00-19:00 bitartean) edo korreo bat bidali (xirulamirulamusika@gmail.com).

LEKUA: Donostia

HASIERA DATA: 2020-09-15

AMAIERA DATA: 2020-09-29

HASIERA ORDUA: 19:00

AMAIERA ORDUA: 20:30