Bizitzen ari garen egoera hauetan lagungarri izango delakoan, Marina Pintos yoga irakaslearen Orain diskoa entzungai jarri dugu osorik Youtuben. Marina Pintosek sorturiko piano-konposizioak eta erlaxazio eta yoga ariketak eskaintzen ditu diskoak. Pintosek urte asko daramatza Hik Hasirekin yoga eta erlaxazioa irakasten hezitzaileei, eta esperientzia horretatik konposatu ditu pieza hauek, haurrekin eskolan eta etxean egiteko, nahiz helduek egiteko aproposak direnak. Hik Hasi egitasmo pedagogikoak duela lau urte argitaratu zuen Orain diskoa eta berriki, Pintosen piano eta erlaxazio-konposizioekin, Izan diskoa argitaratu du.