Seme-alabak lokartzetik nator. Etxean naizen gauero bezala NURen abenturen kapitulu bat irakurriz amaitu dugu eguna. Herensugearen tenplua–rekin ari gara azken egunetan. Orain arte argitaratutako guztiak irakurri ditugu, eta txikiak Durangoko Azoka noiz iritsi zain daude irrikitan. Etxeko bosten arteko tratua da, Durangoko Azokara joaten garenean etxeko bakoitzak disko bat eta liburu bat aukeratzea etxeko besteekin partekatzeko.