Emakunde- Emakumearen Euskal Institutuak “Emakume bertsolariak. Ahanzturatik diskurtso propiora” izenburuko ikerketa aurkeztu du. Ikerketa hau Emakundek urtero genero eta berdintasuna gaiak lantzen dituzten lanei ematen dizkien hiru beketako baten emaitza da. Gema Lasarte EHUko irakaslea izan da ikerketaren zuzendaria, eta lan taldea osatu du beste lau ikerlarirekin batera: Amaia Alvarez Uria, Ana Isabel Ugalde, Pablo Lekue eta Judit Martinez.