Irailaren 16an Bilboko Autonomia kalea beteko dugu, Kataluniako erreferendumaren alde!
Kataluniako herriaren ametsa betetzera doa eta haien ametsa gurea ere bada: herritar gisa erabakitzea. Testuinguruak eskatzen duen tamainako erantzuna eman nahi dugu Euskal Herritik. Demokraziaren eta erabakitzeko eskubidearen alde dauden herritar eta eragile guztiak batu nahi ditugu irailaren 16an Bilbon deitua dugun manifestazioan. Denon artean babesa eta elkartasuna adieraziko diogu Kataluniako herriari eta urriaren 1eko erreferendumari.