Lasarte-Oriako Michelin enpresako mobilizazioek eta grebek aurrera jarraitzen dute, zuzendaritzak egindako eskaintzaren ondoren. Gaur, ekainak 5, 24 orduko greba deitu dute. Bertan, auto karabana bat egingo da 9:30etan eta manifestazioa Lasarte-Orian 17:00etan enpresako atezaindegitik.
Batzordearen aldarrikapenek maiatzaren 3an atal sindikal guztiek sinatutako gutxieneko akordioan ezarritako berberak izaten jarraitzen dute:
Soldata guztiak inflazioarekin lotzea.
Erosahalmenarik ez galtzea bermatzen duten soldata igoerak.
Kontuan hartzea plataformak Hileko Ordainketa Sistemari buruz jasotakoa, eta, bereziki, gutxieneko soldata.