Correoseko langileak lan baldintza eskasak dituzte, horren erakusle da Zarauzko bulegoa ere. Lan-kargak handiak dira, kontratu partzialak geroz eta gehiago dira...Honek guztiak argi uzten du Correosek pribatizazioaren aldeko apustua egin duela azken urteetan.
Zarauzko bulegoan hamalau langile daude guztira, zortzi behin-behineko kontratuarekin. Guzti-guztiak emakumeak dira; prekarietateak emakume aurpegia duela islatzen, berriro ere. ELA sindikatuak kontzentrazioa egin du gaur Zarautzeko Correoseko bulegoan egoera salatzeko eta langileen haserrea ikustarazteko.