Azaroaren 4an izan da azkeneko bilera eta azaroaren 5ean jarraituko da, baina oraingoz ez dago mahai gainean proposamen berririk. ELA, Steilas, CCOO eta LAB sindikatuek adostasunetara iristeko borondatea berretsi dute bileran, eta patronal zein hezkuntza sailari arduraz jokatzeko eskaera luzatu dute berriro ere.

Sindikatu hauen ustez, dagokien arduraz jokatzen badute, eta langileen eskaerei erantzungo dieten eduki eta planteamenduak lantzeko eta bultzatzeko prest badaude, adostasunak erdiestea eta gatazka bideratzea posible izango da. Bitartean, sindikatuek ikastetxe hauetako langileek azaroaren 7an hasiko den greban parte hartzera animatzen eta deitzen dituzte.