ELAk Euskal Eskola Publikoaz Harro plataformak azaroaren 29rako deitutako manifestazioan parte hartuko du, hala ere, publifikazioarekin batera ELAren iritziz egiturazko beste aldarrikapen batzuk ere sostengatu beharra dago. ELAk hezkuntza komunitateko eragileekin eta, bereziki, beste sindikatuekin mobilizazio eta greba prozesu bateratu bat martxan jartzea eskatzen jarraitzen du, hezkuntza sistemaren publifikazioa, euskalduntzea, desmerkantilizazioa eta segregazioari aurre egiteko lan-baldintza egokiak erdigunean kokatuta.